అజ్ఞాతవాసి ఫ్లాప్ తో అలాంటి పరిస్థితి నెలకొంది.. నాగ వంశీ..?
నందమూరి బాలకృష్ణ ప్రస్తుతం ఆహా ఓ టీ టీ ప్లాట్ ఫామ్ లో అన్ స్టాపబుల్ అనే టాక్ షో కి హోస్ట్ గా వ్యవహరిస్తున్న విషయం మన అందరికీ తెలిసిందే. ఇకపోతే ఇప్పటికే మూడు సీజన్లను విజయవంతంగా కంప్లీట్ చేసుకున్న ఈ టాక్ షో నాలుగవ సీజన్ ప్రస్తుతం జరుగుతుంది. ఇప్పటికే నాలుగవ సీజన్లో భాగంగా రెండు ఎపిసోడ్లు స్ట్రీమింగ్ కూడా అవుతున్నాయి. రెండవ ఎపిసోడ్ కు లక్కీ భాస్కర్ మూవీ యూనిట్ వచ్చింది. ఇకపోతే లక్కీ భాస్కర్ సినిమా నిర్మాత అయినటువంటి నాగ వంశీ కూడా అన్ స్టాపబుల్ లేటెస్ట్ ఎపిసోడ్ కు విచ్చేశాడు.
అందులో భాగంగా బాలకృష్ణ ఆయనను మీ లైఫ్ లో ఆన్ స్టాపబుల్ మూమెంట్ ఏది అని ప్రశ్నించాడు. దానికి నాగ వంశీ సమాధానం ఇస్తూ .. 2018 వ సంవత్సరం స్టార్ హీరో తో ఎన్నో అంచనాలతో ఓ భారీ సినిమాను రూపొందించాను. భారీ అంచనాల నడుమ విడుదల అయిన ఫ్లాప్ అయ్యింది. దానితో ఏం చేయాలో అనేది అర్థం కాలేదు. ఆ తర్వాత త్రివిక్రమ్ గారే వచ్చి మళ్లీ రెండు సినిమాలు చేసి వరుసగా బ్లాక్ బాస్టర్ విజయాలను అందించాడు. దానితో అంత సెట్ అయ్యింది అని నాగ వంశీ చెప్పుకొచ్చాడు.
బాలయ్య దానితో అజ్ఞాతవాసి మూవీ నుంచి అలా వైకుంఠపురంలో ఆన్ స్టాపబుల్ జర్నీ అంటావు అని అన్నాడు. ఇకపోతే తాజాగా సూర్య దేవర నాగ వంశీ నిర్మించిన లక్కీ భాస్కర్ సినిమా అక్టోబర్ 31 వ తేదీన విడుదల అయ్యి బ్లాక్ బాస్టర్ టాక్ ను తెచ్చుకుంది. దానితో ప్రస్తుతం ఈ మూవీ కి అదిరిపోయే రేంజ్ కలెక్షన్లు ప్రపంచ వ్యాప్తంగా దక్కుతున్నాయి. ఈ సినిమాలో దుల్కర్ సల్మాన్ హీరోగా నటించగా ... మీనాక్షి చౌదరి హీరోయిన్గా నటించింది. వెంకీ అట్లూరి ఈ సినిమాకు దర్శకత్వం వహించాడు.