2 రోజుల్లో వరల్డ్ వైడ్ గా రెచ్చిపోయిన లక్కీ భాస్కర్.. ఎన్ని కలెక్షన్లను సాధించిందో తెలుసా..?
మలయాళ ఇండస్ట్రీలో అద్భుతమైన గుర్తింపును సంపాదించుకున్న నటులలో ఒకరు అయినటువంటి దుల్కర్ సల్మాన్ ఈ మధ్యకాలంలో వరస పెట్టి తెలుగు సినిమాల్లో నటిస్తున్న విషయం మన అందరికీ తెలిసిందే. మొదటగా దుల్కర్ తెలుగులో మహానటి అనే సినిమాలో హీరోగా నటించి మంచి విజయాన్ని అందుకొని మంచి గుర్తింపును టాలీవుడ్ ఇండస్ట్రీలో దక్కించుకున్నాడు. ఆ తర్వాత ఈయన సీత రామం సినిమాలో హీరోగా నటించి మంచి విజయాన్ని అందుకున్నాడు. ఇకపోతే ఈ సంవత్సరం ఈయన ప్రభాస్ హీరోగా రూపొందిన కల్కి 2898 AD సినిమాలో ఓ కీలక పాత్రలో నటించాడు.
ఈ సినిమా కూడా మంచి విజయాన్ని అందుకుంది. తాజాగా ఈ నటుడు వెంకీ అట్లూరి దర్శకత్వంలో రూపొందిన లక్కీ భాస్కర్ అనే సినిమాలో హీరోగా నటించాడు. మీనాక్షి చౌదరి హీరోయిన్గా నటించిన ఈ మూవీ కి జీవీ ప్రకాష్ కుమార్ సంగీతం అందించగా ... సితార ఎంటర్టైన్మెంట్ బ్యానర్ పై సూర్య దేవర నాగ వంశీ ఈ సినిమాను నిర్మించాడు. ఈ మూవీని అక్టోబర్ 31 వ తేదీన ప్రపంచవ్యాప్తంగా విడుదల చేశారు. ఈ మూవీకి విడుదల అయిన మొదటి రోజే బ్లాక్ బస్టర్ టాక్ వచ్చింది. దానితో ఈ సినిమాకు అదిరిపోయే రేంజ్ కలెక్షన్లు ప్రస్తుతం ప్రపంచవ్యాప్తంగా దక్కుతున్నాయి. తాజాగా ఈ మూవీ బృందం ఈ సినిమాకు రెండు రోజుల్లో ప్రపంచవ్యాప్తంగా వచ్చిన కలెక్షన్ల వివరాలను తెలియజేస్తూ అధికారికంగా ఓ పోస్టర్ను విడుదల చేసింది.
ఈ మూవీ బృందం తాజాగా ఈ సినిమాకు రెండు రోజుల్లో ప్రపంచవ్యాప్తంగా 26.2 ప్లస్ కోట్ల గ్రాస్ కలెక్షన్లు వచ్చినట్లు అధికారికంగా ప్రకటిస్తూ పోస్టర్ను విడుదల చేసింది. ఆ పోస్టర్ ప్రస్తుతం వైరల్ అవుతుంది. ఇక ప్రస్తుతం ఈ సినిమాకు వస్తున్న కలెక్షన్లను బట్టి చూస్తే ఈ మూవీ బ్లాక్ బస్టర్ విజయాన్ని బాక్స్ ఆఫీస్ దగ్గర సొంతం చేసుకునే అవకాశాలు చాలా వరకు కనిపిస్తున్నాయి.