చిరుతో అలా.. నాగ్ తో ఇలా.. రెండుసార్లు అలాంటి చేదు అనుభవాన్ని మిగిల్చుకున్న కాజల్..?
టాలీవుడ్ ఇండస్ట్రీలో చాలా సంవత్సరాల పాటు స్టార్ హీరోయిన్గా కెరియర్ను కొనసాగించిన వారిలో కాజల్ అగర్వాల్ ఒకరు. ఈ ముద్దుగుమ్మ ఇప్పటికి కూడా తెలుగులో పర్వాలేదు అనే క్రేజ్ ఉన్న సినిమాలలో నటిస్తూ కెరియర్ను మంచి జోష్లోనే ముందుకు సాగిస్తుంది. ఇకపోతే ఈమెకు కొంత కాలం క్రితం ఓ రెండు సినిమాల ద్వారా కాస్త చేయ అనుభవం ఎదురైనట్లు తెలుస్తోంది. టాలీవుడ్ ఇండస్ట్రీ లో సీనియర్ స్టార్ హీరో అయినటువంటి మెగాస్టార్ చిరంజీవి కొంత కాలం క్రితం కొరటాల శివ దర్శకత్వంలో ఆచార్య అనే సినిమాలో హీరో గా నటించిన విషయం మనకు తెలిసిందే. ఈ సినిమాలో చిరంజీవి కి జోడిగా కాజల్ అగర్వాల్ ను చిత్ర బృందం తీసుకుంది.
అలాగే ఈమెపై సన్నివేశాలను కూడా ఈ మూవీ బృందం చిత్రీకరించింది. అలాగే మొదట ఈ మూవీ నుండి ఓ పాటను విడుదల చేయగా అందులో కాజల్ కూడా కనిపించింది. కానీ ఆ తర్వాత ఈ సినిమాలో కాజల్ పాత్ర అవసరం లేదు అనే ఉద్దేశం తో ఈ మూవీ బృందం ఆమె పాత్రను తీసేసినట్లు తెలుస్తోంది. దానితో ఆచార్య సినిమాలో అసలు కాజల్ కనిపించలేదు. ఇకపోతే టాలీవుడ్ కింగ్ అక్కినేని నాగార్జున కొంత కాలం క్రితం ది ఘోస్ట్ అనే సినిమాలో హీరోగా నటించిన విషయం మనకు తెలిసిందే. ఈ మూవీ లో మొదట కాజల్ అగర్వాల్ ను హీరోయిన్గా ఎంపిక చేసుకున్నారు. ఆల్మోస్ట్ ఈ ముద్దుగుమ్మ హీరోయిన్గా ఎంపిక అయింది అనుకునే సమయానికి కొన్ని కారణాల వల్ల ఈమె ఆ సినిమా నుండి తప్పుకుంది.
దానితో ఈ మూవీ బృందం సోనాల్ చౌహాన్ ను ఈ సినిమాలో హీరోయిన్గా తీసుకున్నట్లు తెలుస్తోంది. అలా చిరు తో ఒక రకంగా నాగ్ తో ఒక రకంగా ఈ ముద్దుగుమ్మకు చేదు అనుభవం ఎదురైనట్లు కొంత మంది అభిప్రాయ పడుతున్నారు. ఇకపోతే ఈ ముద్దు గుమ్మ మాత్రం ప్రస్తుతం వరుస సినిమా అవకాశాలను దక్కించుకుంటూ ఫుల్ బిజీగా కెరియర్ను ముందుకు సాగిస్తుంది.