ఆ స్టోరీ కోసం చాలా సంవత్సరాలు కష్టపడ్డాను.. చివరికి అలా జరిగింది.. ప్రశాంత్ వర్మ..?
తెలుగు సినీ పరిశ్రమలో దర్శకుడిగా అద్భుతమైన గుర్తింపును సంపాదించుకున్న వారిలో యంగ్ డైరెక్టర్ ప్రశాంత్ వర్మ ఒకరు. ఈయన ఇప్పటివరకు ఎన్నో సినిమాలకు దర్శకత్వం వహించాడు. అందులో చాలా మూవీలు మంచి విజయాలను అందుకున్నాయి. ఇకపోతే ఈ దర్శకుడు కొంత కాలం క్రితం తేజ సజ్జ హీరోగా హనుమాన్ మూవీ ని రూపొందించాడు. ఈ మూవీ పాన్ ఇండియా సినిమాగా విడుదల అయ్యి బ్లాక్ బస్టర్ విజయం అందుకోవడంతో ఈ దర్శకుడి క్రేజ్ ఇండియా వ్యాప్తంగా ఒక్క సారిగా పెరిగిపోయింది. ఇకపోతే తాజాగా అశోక్ గల్లా హీరోగా దేవకీ నందన వాసుదేవ అనే సినిమా రూపొందిన విషయం మనకు తెలిసిందే. ఈ మూవీ కి ప్రశాంత్ వర్మ కథను అందించాడు.
ఈ సినిమాకు ప్రశాంత్ వర్మ కథను అందించడంతో ఈ మూవీ పై ప్రేక్షకుల్లో మంచి అంచనాలు ఏర్పడ్డాయి. మరికొన్ని రోజుల్లోనే ఈ సినిమాను విడుదల చేయనున్నారు. ఈ మూవీ విడుదల తేదీ దగ్గర పడడంతో ప్రశాంత్ వర్మ ఓ ఇంటర్వ్యూ లో పాల్గొన్నారు. అందులో భాగంగా ఈయన ఈ సినిమా గురించి కొన్ని ఆసక్తికరమైన వివరాలను తెలియజేశాడు. ప్రశాంత్ వర్మ తాజాగా మాట్లాడుతూ ... దేవకి నందన వాసుదేవ సినిమా కథను నేను దర్శకత్వం వహించడం కోసం రాసుకున్నారు. దాదాపు రెండు సంవత్సరాల పాటు ఈ కథపై పని చేశాను.
ఇక ఈ కథకు ఎవరు హీరోగా అయితే బాగుంటుందా అనే దానిపై కూడా చాలా చర్చలు జరిగాయి. అశోక్ గల్లా హీరోగా అన్న తర్వాత ఆయన చాలా క్లాస్ లుక్ లో ఉంటాడు ... ఈ కథకు హీరోగా సెట్ అవుతాడా లేదా అని భయం వేసింది. కానీ ఆ తర్వాత లుక్ టెస్ట్ అంతా కంప్లీట్ అయ్యి , ఫస్ట్ షెడ్యూల్ కంప్లీట్ అయ్యాక మాస్ లుక్ లో ఆయన అద్భుతంగా ఉన్నాడు అనిపించింది అని ప్రశాంత్ వర్మ తాజా ఇంటర్వ్యూలో భాగంగా చెప్పుకొచ్చాడు.