వరుణ్ తేజ్ వింటేజ్ లుక్‌లో మట్కా: కొత్త అవతారంలో మెగా ప్రిన్స్!
తెలుగు సినిమా ఇండస్ట్రీలో తనకంటూ ప్రత్యేక గుర్తింపు తెచ్చుకున్న యువ హీరో వరుణ్ తేజ్ తన తదుపరి చిత్రం "మట్కా" కోసం ఓ కొత్త అవతారంలో కనిపించబోతున్నారు. ఇప్పటికే విడుదలైన ఫస్ట్ లుక్ పోస్టర్లు,టీజర్లు సినిమాపై భారీ అంచనాలను నెలకొల్పాయి. "మట్కా" సినిమా కోసం వరుణ్ తేజ్ ఎంచుకున్న లుక్ ప్రేక్షకులను ఆశ్చర్యపరుస్తోంది. ఆయన ఈ సినిమాలో వింటెడ్ లుక్‌తో కనిపించబోతున్నారు. ఇప్పటి వరకు చూడని విధంగా ఆయన గెటప్ డిఫరెంట్‌గా ఉండటం విశేషం. ఈ కొత్త లుక్‌తో వరుణ్ తేజ్ తన నటనకు మరోసారి పదును పెట్టినట్లు తెలుస్తోంది.
ఈ సినిమా కథ ఏమిటనేది ఇంకా రహస్యంగానే ఉంది. అయితే విడుదలైన టీజర్‌ను బట్టి చూస్తే ఈ సినిమా ఒక యాక్షన్ ఎంటర్‌టైనర్‌గా ఉండే అవకాశం ఉంది. మార్కెట్‌ కూలీ నుంచి మట్కా కింగ్‌గా ఎదిగిన వాసు జర్నీని ఇందులో చూపించబోతున్నట్టు ట్రైలర్ ద్వారా రివీల్ చేశారు. ఈ సందర్భంగా నిర్వహించిన ఈవెంట్‌ లో వరుణ్ తేజ్ ఇలా చెప్పుకొచ్చాడు 'నేను మాస్ సినిమా చేసి కొంచెం గ్యాప్ వచ్చింది. ఇది ఫ్యాన్స్ అందర్నీ హ్యాపీ చేసే సినిమా అవుతుంది. ఆడియెన్స్‌కి కొత్త ఎక్స్‌పీరియెన్స్ ఇవ్వడానికి టీమ్ అంతా ప్యాషన్‌తో వర్క్ చేశాం' అని చెప్పాడు. ఈ చిత్రంలో మంచి క్యారెక్టర్ చేశాను అంటూ చెప్పుకొచ్చింది మీనాక్షి చౌదరి. డైరెక్టర్ కరుణ్ కుమార్ ఇలా అన్నారు 'మెగా అభిమానులందరికీ నా ప్రామిస్. వరుణ్ తేజ్ ని ఎలా చూద్దామనుకుంటున్నారో అలాగే ఈ సినిమా ఉంటుంది.
ఆయనలో ఉన్న నటుడు ఆయనలోని యాక్షన్ హీరోnఅన్ని కోణాల్ని ఈ సినిమా ఆవిష్కరిస్తుంది. 40 ఏళ్ల క్రితం జరిగిన రియల్ ఇన్సిడెంట్స్ ఆధారంగా దీన్ని రూపొందిం చాం' అని అన్నారు. సినిమా విజయంపై నమ్మకంగా ఉన్నామని నిర్మాతలు రజినీ తాళ్లూరి, విజయేందర్ రెడ్డి చెప్పారు. ఇకపోతే వరుణ్ తేజ్, మీనాక్షి చౌదరి జంటగా నటించిన 'మట్కా' సినిమా నవంబర్ 14న విడుదల కానుంది. కరుణ కుమార్ దర్శకత్వంలో డాక్టర్ విజయేందర్ రెడ్డి తీగల, రజినీ తాళ్లూరి ఈ సినిమా నిర్మించారు. కాగా శనివారం సోషల్ మీడియా వేదికగా ట్రైలర్ రిలీజ్ చేసిన చిరంజీవి టీమ్‌కు బెస్ట్ విషెస్ చెప్పారు.