పవన్ రిజెక్ట్ చేసిన బ్లాక్ బస్టర్స్ లిస్ట్ ఇంత పెద్దదా.. చేసుంటే వేరేలా ఉండేది..?
టాలీవుడ్ ఇండస్ట్రీలో స్టార్ హీరోలలో ఒకరు అయినటువంటి పవర్ స్టార్ పవన్ కళ్యాణ్ తన కెరీర్ లో ఎన్నో బ్లాక్బస్టర్ మూవీలను వదులుకున్నాడు. మరి పవన్ తన కెరీర్ లో ఎన్ని బ్లాక్ బస్టర్ మూవీలను వదులుకున్నాడు అనే వివరాలను తెలుసుకుందాం.
పవర్ స్టార్ పవన్ కళ్యాణ్ కొన్ని సంవత్సరాల క్రితం పూరి జగన్నాథ్ దర్శకత్వంలో బద్రి అనే సినిమాలో హీరోగా నటించిన విషయం మనకు తెలిసింది. ఈ మూవీ అద్భుతమైన విజయం అందుకుంది. ఆ తర్వాత పూరి జగన్నాథ్ , పవన్ కళ్యాణ్ కి చాలా సినిమాల కథలను వినిపించినప్పటికీ ఆయన మాత్రం ఆ మూవీలను రిజెక్ట్ చేసినట్లు తెలుస్తోంది. ఒకానొక ఇంటర్వ్యూలో భాగంగా పూరి జగన్నాథ్ మాట్లాడుతూ ... పవన్ కళ్యాణ్ కు ఇట్లు శ్రావణి సుబ్రహ్మణ్యం , అమ్మా నాన్న ఓ తమిళ అమ్మాయి , పోకిరి సినిమా కథలను వినిపించాను. విన్నప్పుడు ఆయన పాజిటివ్ గానే రెస్పాండ్ అయిన ఆ తర్వాత ఎందుకో ఆ సినిమాలు చేయడంపై పెద్దగా ఆసక్తి చూపలేదు అని చెప్పుకొచ్చాడు.
ఇకపోతే పవన్ రిజెక్ట్ చేసిన ఇట్లు శ్రావణి సుబ్రహ్మణ్యం , అమ్మ నాన్న ఓ తమిళమ్మాయి సినిమాలలో రవితేజ హీరోగా నటించి మంచి విజయాలను అందుకోగా ... పోకిరి సినిమాతో సూపర్ స్టార్ మహేష్ బాబు ఏకంగా ఆల్ టైమ్ టాలీవుడ్ ఇండస్ట్రీ హిట్ ను అందుకున్నాడు. ఇకపోతే టాలీవుడ్ ఇండస్ట్రీలో అదిరిపోయే రేంజ్ క్రేజ్ కలిగిన దర్శకులలో ఒకరు అయినటువంటి ఎస్ ఎస్ రాజమౌళి , పవన్ కళ్యాణ్ కు విక్రమార్కుడు స్టోరీని వినిపించినట్లు తెలుస్తోంది. ఇక స్టోరీ మొత్తం విన్న పవన్ కళ్యాణ్ సినిమా కథ బాగుంది , కాకపోతే నేను ఓ రెండు సంవత్సరాల పాటు సినిమాలకు దూరంగా ఉండాలి అనుకుంటున్నాను ఈ కథతో వేరే హీరోతో సినిమా చేయండి అన్నాడట. దానితో రాజమౌళి ఈ కథను రవితేజతో రూపొందించగా అది బ్లాక్ బాస్టర్ అయినట్లు తెలుస్తోంది. ఇలా పవన్ కళ్యాణ్ తన కెరియర్ లో చాలా బ్లాక్ బస్టర్ మూవీలను రిజెక్ట్ చేసినట్లు తెలుస్తుంది.