అర్జున్ రెడ్డి కథతో ఐదు సంవత్సరాలు.. ఆ ఇద్దరు మాట ఇచ్చి తప్పారు.. కోన వెంకట్..?
ప్రముఖ కథ రచయిత కోన వెంకట్ తాజాగా ఓ ఇంటర్వ్యూ లో పాల్గొన్నాడు. అందులో ఆయన అద్భుతమైన క్రేజ్ కలిగిన దర్శకులలో ఒకరు అయినటువంటి సందీప్ రెడ్డి వంగ మొదటి సినిమా ప్రయత్నాలలో ఎంత కష్టాలను అనుభవించాడు అనే వివరాలను తెలియజేశాడు. తాజాగా కోన వెంకట్ మాట్లాడుతూ ... సందీప్ రెడ్డి వంగ తన కెరీర్లో మొదటి సినిమాగా అర్జున్ రెడ్డి మూవీ ని తెరకెక్కించాడు. ఇకపోతే ఈ సినిమా స్టార్ట్ కావడానికి ముందు ఆయన ఎన్నో కష్టాలను అనుభవించాడు. దాదాపు ఈ ఒక్క కథను పట్టుకొని ఆయన ఐదు సంవత్సరాలు అనేక మంది దగ్గరకు తిరిగాడు.
ఇక ఒకానొక సందర్భంలో ఒకరు అతనికి సినిమా చేస్తాను అని మాట ఇచ్చారు. దానితో ఆయన మూడు సంవత్సరాల పాటు ఆయన దగ్గరనే ఉన్నాడు. కానీ చివరకు మాత్రం సినిమా చేయలేదు. దానితో ఆ విషయం అర్థం అయ్యి సందీప్ బయటకు వచ్చేసాడు. ఆ తర్వాత ఆయనకు మరో వ్యక్తి పరిచయం అయ్యాడు. ఆయన కూడా అతనితో సినిమా చేస్తాను అని రెండు సంవత్సరాలు తన దగ్గర పెట్టుకున్నాడు. దానితో సందీప్ కూడా ఆయన అవకాశం ఇస్తాడు అని చాలా కాలం వెయిట్ చేశాడు. కానీ అక్కడ రెండు సంవత్సరాల కాలం పోయింది. కానీ ఛాన్స్ ఇవ్వలేదు.
దానితో సందీప్ రెడ్డి వాళ్ళ అన్నయ్య ఇదంతా కాదు. నువ్వు సినిమా చేస్తానంటున్నావు నేను డబ్బులు పెడతాను. సినిమా చెయ్ అన్నాడు. దానితో ఆయన అలా అన్న నిర్మాతగా సినిమా చేయడానికి రెడీ అయ్యాడు. ఆ తర్వాత విజయ్ దేవరకొండ హీరోగా అర్జున్ రెడ్డి మూవీ చేశాడు. ఆ మూవీ బ్లాక్ బస్టర్ అయింది. దానితో ఆయనకు మంచి గుర్తింపు వచ్చింది అని కోన వెంకట్ తాజా ఇంటర్వ్యూలో భాగంగా చెప్పుకొచ్చాడు.