ఆర్య కథను సుకుమార్ ఎవరికోసం రాశారో తెలుసా.. కానీ ఆ హీరో కే వినిపించలేదు..?
అల్లు అర్జున్ హీరోగా సుకుమార్ దర్శకత్వంలో శ్రీ వెంకటేశ్వర క్రియేషన్స్ బ్యానర్ పై దిల్ రాజు చాలా సంవత్సరాల క్రితం ఆర్య అనే సినిమాను రూపొందించిన విషయం మన అందరికీ తెలిసిందే. మంచి అంచనాల నడుమ విడుదల అయిన ఈ సినిమా సూపర్ సాలిడ్ బ్లాక్ బస్టర్ విజయాన్ని సొంతం చేసుకుంది. ఈ సినిమాతో ఒక్క సారిగా అల్లు అర్జున్ , సుకుమార్ క్రేజ్ పెరిగిపోయింది. ఇక ఈ మూవీని నిర్మించిన దిల్ రాజు కి కూడా ఈ సినిమా ద్వారా మంచి పేరు రావడం మాత్రమే కాకుండా భారీ ఎత్తున డబ్బులు కూడా వచ్చాయి. ఈ సినిమా కథను సుకుమార్ , అసలు అల్లు అర్జున్ కోసం రాసుకోలేదు.
ఎవరికోసం రాసుకున్నాడు అనేది తెలుసా ..? తాజాగా అల్లరి నరేష్ ఓ ఇంటర్వ్యూలో పాల్గొన్నారు. అందులో భాగంగా ఆయన కొన్ని ఆసక్తికరమైన వివరాలను తెలియజేశాడు. తాజా ఇంటర్వ్యూ లో భాగంగా అల్లరి నరేష్ మాట్లాడుతూ ... సుకుమార్ గారు కొన్ని సంవత్సరాల క్రితం ఒక రోజు కలిశారు. ఇక ఆయన మాట్లాడుతూ ఉండగా నాతో ఒక విషయాన్ని చెప్పారు. అది ఏమిటి అంటే ... అల్లు అర్జున్ హీరోగా రూపొందిన ఆర్య సినిమా కథను నిన్ను ఊహించుకొని రాసుకున్నాను. నువ్వు అల్లరి సినిమాలో చాలా బాగా నటించావు. ఆ సినిమా నాకు బాగా నచ్చింది. నీతోనే సినిమా చేద్దాం అని ఆ కథను రాసుకున్నాను. కానీ కొన్ని పరిస్థితుల కారణంగా నీకు అసలు ఆ కథను కూడా వినిపించలేదు.
ఇక ఎవరికి ఏ సినిమా రావాలో వారికి వస్తుంది. అందుకే అది అల్లు అర్జున్ దగ్గరికి వెళ్లినట్లుంది అని సుకుమార్ అన్నట్లు అల్లరి నరేష్ ఓ ఇంటర్వ్యూలో భాగంగా చెప్పుకొచ్చాడు. ఇది ఇలా ఉంటే ప్రస్తుతం సుకుమార్ , అల్లు అర్జున్ హీరో గా పుష్ప పార్ట్ 2 మూవీ ని రూపొందిస్తున్నాడు. ఈ మూవీ పై ప్రేక్షకుల్లో భారీ అంచనాలు ఉన్నాయి. ఇక అల్లరి నరేష్ కూడా ప్రస్తుతం వరుస సినిమాలతో ఫుల్ బిజీగా కెరియర్ను కొనసాగిస్తున్నాడు.