కావ్య దాపర్ ను నిండా ముంచేసిన బ్యానర్.. ఒకే సంవత్సరంలో రెండు ఎదురు దెబ్బలు..?
టాలీవుడ్ ఇండస్ట్రీలో సూపర్ క్రేజ్ కలిగిన హీరోయిన్లలో కావ్య దాపర్ ఒకరు. ఈమెకు బాక్స్ ఆఫీస్ దగ్గర పెద్ద స్థాయి విజయాలు లేకపోయిన ఈమె నటించిన సినిమాలలో తన అందాలతో ప్రేక్షకులను కట్టిపడేయడంతో ఈ బ్యూటీకి క్రేజీ సినిమాలలో వరుసగా అవకాశాలు దక్కుతున్నాయి. ఈ బ్యూటీ చాలా కాలం క్రితం సంతోష్ శోభన్ హీరోగా రూపొందిన ఏక్ మినీ కథ అనే సినిమాలో హీరోయిన్గా నటించిన విషయం మన అందరికీ తెలిసిందే. ఈ మూవీ నేరుగా ఓ టీ టీ ప్లాట్ ఫామ్ లో విడుదల అయింది. ఈ సినిమాకు ప్రేక్షకుల నుండి మంచి రెస్పాన్స్ లభించింది.
ఈ సినిమా ద్వారా కావ్య కు కూడా అద్భుతమైన క్రేజ్ వచ్చింది. ఇకపోతే ఈ మధ్య కాలంలో ఈమె వరస పెట్టి సినిమాలో నటిస్తున్న ఏ మూవీ ద్వారా కూడా ఈమెకు పెద్దగా విజయాలు దక్కడం లేదు. ఇకపోతే ఒకే సంవత్సరంలోనే ఈ బ్యూటీ కి ఒకే బ్యానర్ ద్వారా రెండు అపజయాలు వచ్చాయి. ఈ ముద్దుగుమ్మ ఈ సంవత్సరం ప్రారంభంలో మాస్ మహారాజా రవితేజ హీరోగా కార్తీక్ ఘట్టమనేని దర్శకత్వంలో రూపొందిన ఈగల్ అనే సినిమాతో ప్రేక్షకుల ముందుకు వచ్చింది. మంచి అంచనాల నడుమ విడుదల అయిన ఈ సినిమా బాక్స్ ఆఫీస్ దగ్గర బోల్తా కొట్టింది. ఈ సినిమాను పీపుల్స్ మీడియా ఫ్యాక్టరీ బ్యానర్ పై టి జీ విశ్వ ప్రసాద్ నిర్మించాడు.
ఇకపోతే తాజాగా ఈ బ్యూటీ గోపీచంద్ హీరోగా శ్రీను వైట్ల దర్శకత్వంలో రూపొందిన విశ్వం అనే మూవీ లో హీరోయిన్గా నటించింది. ఈ మూవీ ని కూడా పీపుల్స్ మీడియా ఫ్యాక్టరీ బ్యానర్ పై ప్రముఖ నిర్మాత టి జీ విశ్వ ప్రసాద్ నిర్మించాడు. ఇక మంచి అంచనాల నడుమ విడుదల ఈ సినిమా కూడా బాక్స్ ఆఫీస్ దగ్గర ప్రేక్షకులను పెద్దగా ఆకట్టుకోలేదు. ఈ రెండు సినిమాల ద్వారా ఈ బ్యూటీ కి అపజయాలు వచ్చినా కూడా ఈ రెండు సినిమాల్లో కూడా కావ్య తన అందాలతో ప్రేక్షకులను బాగా ఆకట్టుకుంది.