హమ్మయ్య.. పూరికి హీరో దొరికేశాడు.. ఇంతకీ ఎవరంటే?

praveen
టాలీవుడ్ దర్శకుడు పూరీ జగన్నాథ్ గురించి జనాలకి ప్రత్యేకంగా చెప్పాల్సిన పనిలేదు. ప్రస్తుతం సినిమా పరిశ్రమలోని సెటిలైన ఎంతోమందికి పూరీ జగన్నాథ్ నే ఆదర్శం అని వేరే చెప్పుకోవాల్సిన పనిలేదు. ఆయన అండతో ఇక్కడ దర్శకులు అయినవారు ఎందరో ఉన్నారు. ఇక ప్రేకధా చిత్రాలకు పురీ పెట్టింది పేరు. తనదైన హీరోయిజం సృష్టించడంలో పూరీది అందెవేసిన చేయి. కేవలం హీరోయిజంతో సినిమాని నడిపించగల సత్తా పురీది. అందుకే అతని సినిమాలంటే చాలామందికి మక్కువ ఎక్కువ. కానీ ప్రస్తుతం గత కొన్నాళ్లుగా ఈ దర్శకుడికి కష్టకాలం నడుస్తుంది. చాలా సినిమాలు తరువాత ఇస్మార్ట్ శంకర్ సినిమాతో పురీ గాడిలో పడ్డాడు అనుకుంటే, 'లైగర్' సినిమాతో మరలా బక్కబోర్లా పడ్డాడు.
ఆ తరువాత వచ్చిన 'డబుల్ ఇస్మార్ట్' ఐతే లీగర్ ని మించిన డిజాస్టర్ గా మూటకట్టుకుంది. దాంతో పూరీ కెరీర్ డైలమాలో పడిపోయింది. ఈ క్రమంలోనే ఈయన తర్వాతి సినిమా ఎవరితో ఉంటుందా? అనే ఆసక్తికరమైన చర్చ సోషల్ మీడియాలో నడుస్తోంది. ముఖ్యంగా ఇండస్ట్రీలో ఏ హీరో ఆయన్ని ఇక నమ్ముతాడనే చర్చ ఎక్కువగా మొదలైంది. అయితే పూరీ చూపులు ఇప్పుడు అక్కినేని సీనియర్ హీరో నాగార్జున వైపు ఉన్నట్లు తెలుస్తుంది. నాగార్జునతో సినిమా కోసం పూరీ ట్రై చేస్తున్నారని గుసగుసలు వినబడుతున్నాయి.
అవును, గతంలో వీరి కాంబోలో సూపర్, శివమణి అనే సూపర్ డూపర్ హిట్ సినిమాలు వచ్చాయి. 20 ఏళ్ళ కిందే పూరీ సూపర్ సినిమాలో కింగ్ నాగార్జునని వేరే లెవల్లో చూపించాడు. మరోవైపు నాగ్ కెరీర్లో ఎన్ని సినిమాలు చేసినా 'శివమణి' మాత్రం చాలా ప్రత్యేకమైన సినిమా అని చెప్పుకోవాలి. ఎందుకంటే, అప్పటి వరకు ఉన్న నాగ్ ఇమేజ్ ని మార్చేసిన సినిమా ఇది. 'నా పేరు శివమణి.. నాకు కొంచెం మెంటల్..' అంటూ నాగ్ చెప్పిన డైలాగ్ ఇప్పటికీ ఫేమస్. ఇక ఇపుడు మరోవైపు, నా సామిరంగ తర్వాత కుబేరా, కూలీ లాంటి సినిమాల్లో కీలక పాత్రల్లో నటిస్తున్నారు నాగార్జున. హీరోగా కొత్త సినిమా ప్రకటించలేదు. దాంతో తన నెక్ట్స్ ప్రాజెక్ట్ కోసం హీరో నాగార్జునని ఒప్పించే పనిలో ఉన్నారట పూరీ జగన్నాథ్. ఈ కాంబో సెట్ కావాలని ఫ్యాన్స్ కూడా ఆసక్తిగా ఉన్నారు. మరి పూరీని నమ్మి నాగార్జున మరో ఆఫర్ ఇస్తారా లేదా అనేది చూడాలి.
మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Puri jaganath

సంబంధిత వార్తలు: