కృష్ణ రికార్డ్ : ఒకే సంవత్సరం 18 సినిమాలు.. హిట్లు ఎన్నో తెలుసా..?
టాలీవుడ్ ఇండస్ట్రీలో ఎన్నో సంవత్సరాల పాటు అద్భుతమైన జోష్ కలిగిన నటుడిగా కెరియర్ను ముందుకు సాగించిన వారిలో సూపర్ స్టార్ కృష్ణ ఒకరు. కృష్ణ తన కెరియర్ లో ఎన్నో హిట్ , సూపర్ హిట్ , బ్లాక్ బాస్టర్ , ఇండస్ట్రీ హిట్ సినిమాలలో నటించి తనకంటూ ఒక అద్భుతమైన గుర్తింపును సంపాదించుకున్నాడు. ఇకపోతే కృష్ణ ఒకే సంవత్సరం 18 సినిమాలలో నటించి రికార్డులను సృష్టించాడు. మరి కృష్ణ ఏ సంవత్సరంలో 18 సినిమాలలో నటించాడు. వాటి ఫలితాలు ఎలా ఉన్నాయి అనే వివరాలు తెలుసుకుందాం.
సూపర్ స్టార్ కృష్ణ 1972 వ సంవత్సరంలో 18 సినిమాలతో ప్రేక్షకుల ముందుకు వచ్చాడు. మొదటగా కృష్ణ నటించిన రాజ మహల్ సినిమా ప్రేక్షకుల ముందుకు వచ్చింది. ఈ మూవీ బాక్స్ ఆఫీస్ దగ్గర మంచి విజయాన్ని అందుకుంది. ఆ తర్వాత మోసగాడు వస్తున్నాడు జాగ్రత్త అనే మూవీ తో కృష్ణ ప్రేక్షకుల ముందుకు వచ్చి విజయాన్ని అందుకోగా , ఆ తర్వాత అంతా మన మంచికే సినిమాతో సూపర్ హిట్ విజయాన్ని అందుకున్నాడు. ఇక ఆ తర్వాత గూడుపుఠాణి సినిమా ఫ్లాప్ కాగా , మా ఊరి మొనగాళ్లు సినిమా సూపర్ హిట్ విజయాన్ని అందుకుంది. మేనకోడలు సినిమా యవరేజ్ విజయాన్ని అందుకోగా , కోడలు పిల్ల మూవీ యావరేజ్ విజయాన్ని సొంతం చేసుకుంది.
బలే మోసగాడు సూపర్ హిట్ కాగా , పండంటి కాపురం బ్లాక్ బస్టర్ విజయాన్ని అందుకుంది. హంతకులు దేవాంతకులు సూపర్ హిట్ కాగా , నిజం నిరూపిస్తా మూవీ ఫ్లాప్ అయ్యింది అబ్బాయి గారు అమ్మాయి గారు సూపర్ హిట్ కాగా , ఇన్స్పెక్టర్ భార్య యావరేజ్ విజయాన్ని అందుకుంది. మా ఇంటి వెలుగు యావరేజ్ విజయాన్ని అందుకోగా , ప్రజా నాయకుడు సూపర్ హిట్ అయింది. మరపురాని తల్లి సూపర్ హిట్ విజయాన్ని సొంతం చేసుకుంది. ఇల్లు ఇల్లాలు మూవీ సూపర్ హిట్ విజయాన్ని అందుకుంది. కత్తుల రత్తయ్య మూవీ కూడా సూపర్ హిట్ అయింది.