సీనియర్ నటుడితో రామ్ కి కష్టాలు.. ఇద్దరు రిజక్ట్.. అతను ఏం చేస్తాడో..?
తెలుగు సినీ పరిశ్రమలో మంచి గుర్తింపును సంపాదించుకున్న వారిలో రామ్ పోతినేని ఒకరు. ఈయన దేవదాస్ అనే సినిమాతో వెండితెరకు పరిచయం అయ్యి ఈ మూవీతోనే మంచి గుర్తింపును అందుకున్నాడు. ఆ తర్వాత కూడా ఈయన ఎక్కువ శాతం లవ్ , రొమాంటిక్ , కమర్షియల్ ఎంటర్టైనర్ మూవీలలో నటించి మంచి విజయాలను అందుకుంటూ వచ్చాడు. ఇకపోతే ఈ మధ్య కాలంలో మాత్రం ఈయన వరుస పెట్టి మాస్ , యాక్షన్ ఎంటర్టైనర్ మూవీలలో నటిస్తున్నాడు. కానీ వాటి ద్వారా ఈయనకు మంచి విజయాలు దక్కడం లేదు. కొంత కాలం క్రితం ఈ నటుడు ది వారియర్ సినిమాతో ప్రేక్షకులను పలకరించగా ఆ మూవీ బాక్స్ ఆఫీస్ దగ్గర బోల్తా కొట్టింది.
ఇక స్కంద అనే పవర్ఫుల్ యాక్షన్ మూవీ ద్వారా రామ్ ప్రేక్షకుల ముందుకు రాగా ఈ సినిమా కూడా ఈయనకు నిరాశనే మిగిలింది. తాజాగా ఈయన డబుల్ స్మార్ట్ అనే మూవీతో ప్రేక్షకుల ముందుకు వచ్చాడు ఈ మూవీ కూడా ప్లాప్ అయ్యింది. ఇకపోతే రామ్ పోతినేని ప్రస్తుతం మిస్ శెట్టి మిస్టర్ పోలిశెట్టి మూవీ ద్వారా మంచి గుర్తింపును సంపాదించుకున్న మహేష్ బాబు దర్శకత్వంలో సినిమా చేయబోతున్నాడు. ఇకపోతే ఈ సినిమాలో కీలకమైన పాత్ర ఉన్నట్లు తెలుస్తుంది. అందులో ఒక సీనియర్ నటుడు నటిస్తే అది ఇంకా అద్భుతమైన స్థాయికి వెళుతుంది అనే ఆలోచనలో ఈ మూవీ బృందం వారు ఉన్నట్లు సమాచారం. అందుకోసం ఇప్పటికే ఈ మూవీ బృందం రజినీ కాంత్ ను మొదటగా సంప్రదించినట్లు తెలుస్తోంది.
కానీ ఆయన మాత్రం కూలీ సినిమా షూటింగ్లో బిజీగా ఉండడం వల్ల ఈ సినిమా చేయను అని చెప్పాడట. ఆ తర్వాత మోహన్ లాక్ ను ఈ మూవీ బృందం వారు సంప్రదించాడట. ఆయన కూడా ఇతర సినిమాలతో బిజీగా ఉండడం వల్ల సినిమా చేయలేను అని చెప్పేసాడట. ప్రస్తుతం అరవింద స్వామి తో ఈ మూవీ మేకర్స్ వారు సంప్రదింపులు జరుపుతున్నట్లు , ఈయన కనక గ్రీన్ సిగ్నల్ ఇస్తే రామ్ , మహేష్ బాబు కాంబోలో రూపొందబోయే సినిమాలో ఈయన ఓ కీలకమైన పాత్రలో కనిపించబోతున్నట్లు తెలుస్తోంది.