పుష్ప 2 : దేవి.. తమన్ వల్ల కానిది అతనితో అవుతుందా.. లిస్టులోకి మరో మ్యూజిక్ డైరెక్టర్..?
అల్లు అర్జున్ హీరోగా రష్మిక మందన హీరోయిన్గా సుకుమార్ దర్శకత్వంలో ప్రస్తుతం పుష్ప మూవీ కి కొనసాగింపుగా పుష్ప పార్ట్ 2 మూవీ తెరకెక్కుతున్న విషయం మన అందరికీ తెలిసిందే. ఈ మూవీ స్టార్ట్ అయ్యి ఇప్పటికే చాలా కాలం అవుతున్న పుష్ప పార్ట్ 1 అద్భుతమైన విజయం సాధించడంతో పుష్ప 2 భారీ అంచనాలు ఉండడంతో ఆ అంచనాలకు ఏ మాత్రం తగ్గని ఔట్పుట్ వచ్చేందుకు గాను ఈ మూవీ బృందం చాలా టైమ్ ను తీసుకుని ఈ సినిమాను చిత్రీకరిస్తున్నట్లు తెలుస్తోంది. ఆ కారణంగా ఈ మూవీ చిత్రీకరణ చాలా లేట్ అవుతున్నట్లు సమాచారం. ఇకపోతే ఈ సినిమాను ఈ సంవత్సరం డిసెంబర్ 5 వ తేదీన విడుదల చేయనున్నట్లు మేకర్స్ కొన్ని రోజుల క్రితం అధికారికంగా ప్రకటించారు.
ఈ సినిమా విడుదల తేదీ దగ్గర పడిన ఈ మూవీ షూటింగ్ మాత్రం ఇంకా పూర్తి కాలేదు. ప్రస్తుతం ఈ మూవీ యొక్క ఐటెం సాంగ్ ను మేకర్స్ చిత్రీకరిస్తున్నారు. ఈ మూవీలోని స్పెషల్ సాంగ్ ను అల్లు అర్జున్ , శ్రీ లీల పై ప్రస్తుతం చిత్రీకరిస్తున్నారు. ఇకపోతే ప్రస్తుతం ఈ మూవీ కి సంబంధించిన బ్యాక్గ్రౌండ్ స్కోర్ పనులు వేగంగా జరుగుతున్నట్లు తెలుస్తుంది. ఇక దేవి శ్రీ ప్రసాద్ అందించిన బ్యాక్గ్రౌండ్ స్కోర్ సుకుమార్ కు అంతగా నచ్చకపోవడంతో తమన్ కూడా ఈ సినిమా బ్యాక్ గ్రౌండ్ స్కోర్ కోసం ప్రస్తుతం పని చేస్తున్నట్లు ఓ వార్త వైరల్ అవుతున్న విషయం మన అందరికీ తెలిసిందే.
ఇకపోతే దేవి శ్రీ ప్రసాద్ , తమన్ మాత్రమే కాకుండా మరో మ్యూజిక్ డైరెక్టర్ కూడా ఈ సినిమా బ్యాక్గ్రౌండ్ స్కోర్ కోసం పనిచేస్తున్నట్లు మరో వార్త వైరల్ అవుతుంది. అసలు విషయం లోకి వెళితే ... దేవి శ్రీ ప్రసాద్ , తమన్ తో పాటు ప్రస్తుతం ఆంజనేష్ లోక్నాథ్ కూడా ఈ సినిమా బ్యాక్గ్రౌండ్ స్కోర్ కోసం వర్క్ చేస్తున్నట్లు తెలుస్తోంది. ఇలా ఈ ముగ్గురు టాలెంటెడ్ మ్యూజిక్ డైరెక్టర్స్ ప్రస్తుతం ఈ సినిమా బ్యాక్ గ్రౌండ్ స్కోర్ కోసం వర్క్ చేస్తున్నట్లు ఓ వార్త వైరల్ అవుతుంది.