అందరూ అప్పుడే అన్నారు.. ఇప్పుడు ఎవరూ లేరు.. దెబ్బకి ఆ తేదీని లాక్ చేసిన అల్లరి నరేష్..?
సినిమా ఇండస్ట్రీలో మూవీలను మేకర్స్ చాలా హాలిడేస్ కలిసి వచ్చే రోజులలో విడుదల చేస్తూ ఉంటారు. ఇకపోతే డిసెంబర్ నెలలో క్రిస్మస్ సెలవులను క్యాష్ చేసుకోవడానికి చాలా మంది మేకర్స్ తమ సినిమాలను విడుదల చేయడానికి ఆసక్తిని చూపిస్తూ ఉంటారు. ఈ సంవత్సరం క్రిస్మస్ పండుగ సందర్భంగా చాలా సినిమాలు విడుదలకు రెడీ అవుతున్నాయి అని గత కొన్ని రోజులుగా అనేక వార్తలు వచ్చాయి. టాలీవుడ్ యువ నటుడు నితిన్ హీరోగా వెంకి కుడుముల దర్శకత్వంలో రూపొందుతున్న రాబిన్ హుడ్ సినిమాను క్రిస్మస్ సందర్భంగా డిసెంబర్ నెలలో విడుదల చేసే ఆలోచనలు మేకర్స్ ఉన్నట్లు ఓ వార్త వైరల్ అయింది.
ఆ తర్వాత నాగ చైతన్య హీరోగా చందు మండేటి దర్శకత్వంలో తెరకెక్కుతున్న తాండెల్ సినిమాను కూడా క్రిస్మస్ కానుక విడుదల చేయాల్సిన ఆలోచనలో మేకర్స్ ఉన్నట్లు ఓ వార్త వైరల్ అయ్యింది. మెగా పవర్ స్టార్ రామ్ చరణ్ హీరోగా శంకర్ దర్శకత్వంలో రూపొందుతున్న గేమ్ చేంజర్ మూవీ ని క్రిస్మస్ సందర్భంగా డిసెంబర్ 20 వ తేదీన విడుదల చేయనున్నట్లు ఓ వార్త వైరల్ అయింది. దీనితో చాలా చిన్న , మీడియం సినిమాలు ఒక్క సారిగా వెనక్కు తగ్గాయి. ఇక సడన్గా గేమ్ చేంజర్ క్రిస్మస్ నుండి సంక్రాంతి కి షిఫ్ట్ అయిందిఎం దానితో క్రిస్మస్ కి అనేక సినిమాలు విడుదల అవుతాయి అని చాలా మంది అనుకున్నారు.
కానీ ఇప్పటివరకు పెద్దగా క్రిస్మస్ తేదీపై ఎవరు ఇంట్రెస్ట్ చూపడం లేదు. ఇలాంటి సమయంలోనే అల్లరి నరేష్ క్రిస్మస్ సందర్భంగా తన సినిమాను తీసుకురాబోతున్నట్లు తెలుస్తోంది. ప్రస్తుతం అల్లరి నరేష్ బచ్చలమల్లి అనే సినిమాలో హీరోగా నటిస్తున్న విషయం మనకు తెలిసిందే. ఈ మూవీ ని క్రిస్మస్ కానుకగా విడుదల చేయబోతున్నట్లు అందుకు సంబంధించిన అధికారిక ప్రకటన కూడా మరికొన్ని రోజుల్లో రాబోతున్నట్లు ఓ వార్త ఫైనల్ అవుతుంది.