ఇన్ని రోజులు సైలెంట్.. ఇప్పుడు స్పీడుకి షేక్.. సంక్రాంతికి అందరికంటే ముందు దిల్ రాజు..?
చాలా కాలం క్రితం రామ్ చరణ్ హీరోగా కియార అద్వానీ హీరోయిన్గా శంకర్ దర్శకత్వంలో గేమ్ చేంజర్ అనే మూవీ మొదలైన విషయం మన అందరికీ తెలిసిందే. ఈ సినిమా మొదలైన కొంతకాలానికే శంకర్ కొంత భాగం షూటింగ్ పూర్తి చేసి నిలిపివేసిన ఇండియన్ 2 మూవీ ని కూడా తిరిగి స్టార్ట్ చేశాడు. దానితో ఏకకాలంలో గేమ్ చేంజర్ , ఇండియన్ 2 రెండు సినిమాల షూటింగ్లను చేస్తూ రావడంతో గేమ్ చంజర్ సినిమా షూటింగ్ చాలా డిలే అవుతూ వచ్చింది. ఇక ముందు మొదలు పెట్టిన ఇండియన్ 2 మూవీ షూటింగ్ కంప్లీట్ అయింది. కొన్ని రోజుల క్రితమే ఈ సినిమా విడుదల అయింది.
కానీ ఈ మూవీ శంకర్ కెరియర్లోనే అత్యంత ఘోరమైన అపజయాన్ని ఎదుర్కొంది. ఈ సినిమా ఫ్లాప్ తో శంకర్ క్రేజ్ కూడా చాలా వరకు తగ్గిపోయింది. గేమ్ చేంజర్ మూవీ షూటింగ్ కొన్ని రోజుల క్రితమే కంప్లీట్ అయింది. ప్రస్తుతం ఈ సినిమాకు సంబంధించిన పోస్ట్ ప్రొడక్షన్ పనులు వేగవంతంగా జరుగుతున్నాయి. ఈ మూవీ ని వచ్చే సంవత్సరం జనవరి 10 వ తేదీన విడుదల చేయనున్నట్లు ఈ మూవీ బృందం వారు కొన్ని రోజుల క్రితం అధికారికంగా ప్రకటించారు. ఇది ఇలా ఉంటే ఈ సినిమా షూటింగ్ స్టార్ట్ అయ్యి చాలా కాలం అయిన ఈ మూవీ కి సంబంధించిన అప్డేట్లు పెద్దగా చాలా రోజుల వరకు బయటకు రాలేదు. దానితో ఈ మూవీ బృందంపై చరణ్ అభిమానులు ఎప్పటికప్పుడు అసహనం వ్యక్తం చేస్తూనే వచ్చారు. ఇకపోతే ఈ సినిమా విడుదల తేదీ అనౌన్స్ చేసిన తర్వాత మాత్రం ఈ మూవీ యూనిట్ ఫుల్ జోష్లో దోచుకుపోతుంది. కొన్ని రోజుల క్రితమే ఈ మూవీ బృందం ఈ సినిమా టీజర్ను ఈ నెల 9 వ తేదీన లక్నో లో విడుదల చేయనున్నట్లు ప్రకటించారు.
తాజాగా ఈ మూవీ నిర్మాత అయినటువంటి దిల్ రాజు మాట్లాడుతూ ... ఈ సినిమా టీజర్ ను మే తొమ్మిదవ తేదీన లక్నో లో విడుదల చేయనున్నాం. ఆ తర్వాత జనవరి నెలలో ఈ మూవీ ట్రైలర్ను విడుదల చేస్తాం. ఆ తరువాత రామ్ చరణ్ విదేశాలలో ఈ సినిమా ప్రమోషన్లను నిర్వహిస్తాడు. ఈ మూవీ ఫ్రీ రిలీజ్ ఈవెంట్ను తిరుపతిలో నిర్వహించబోతున్నాం అని ప్రకటించాడు. ఇలా ఇన్ని రోజుల పాటు సైలెంట్ గా ఉన్న ఈ మూవీ యూనిట్ ఎప్పుడు మాత్రం ఫుల్ జోష్లో దూసుకుపోనున్నట్లు దిల్ రాజు లేటెస్ట్ స్పీచ్ తో అర్థం అవుతుంది.