అఖండ 2 : సరికొత్తగా బాలయ్య పాత్ర..ఈ సారి శివ తాండవమే..!!
బాలయ్య, బోయపాటి కాంబినేషన్ అంటే ఫ్యాన్స్ కు కిక్కే కిక్కు.. బాలయ్య కి సాలిడ్ బ్లాక్ బస్టర్ పడాలంటే అది బోయపాటి డైరెక్షన్ లోనే అని ఫ్యాన్స్ గట్టిగా నమ్ముతారు.. అంతలా వారి కాంబో సూపర్ హిట్ అయింది.. బాలయ్య, బోయపాటి కాంబోలో వచ్చిన మొదటి సినిమా “సింహా”..అప్పటివరకు భారీ ప్లాప్స్ తో ఇబ్బందిపడుతున్న బాలయ్యకు కెరీర్ బెస్ట్ బ్లాక్ బస్టర్ హిట్ ఇచ్చాడు బోయపాటి.. బాలయ్య మాస్ యాంగిల్ పూర్తిగా వాడుకున్న దర్శకులలో బోయపాటి ఒకరు.. బోయపాటి డైరెక్షన్ లో బాలయ్య నటించిన రెండో సినిమా “ లెజెండ్“.. ఈ సినిమా ఉహించని బ్లాక్ బస్టర్ గా నిలిచింది.. దీనితో బాలయ్య, బోయపాటి కాంబినేషన్ కి తిరుగులేదని ఫ్యాన్స్ భావించారు.. ఇక బోయపాటి, బాలయ్య కాంబినేషన్ లో వచ్చిన హాట్రిక్ మూవీ “అఖండ”.. ఈ సినిమా విడుదల సమయంలో కరోనా సంక్షోభం కారణంగా పరిస్థితులు అంతగా అనుకరించకపోయిన ప్రేక్షకులని థియేటర్స్ వైపుకు మళ్ళించింది.. టాలీవుడ్ కి మరోసారి పూర్వవైభవం తీసుకొచ్చిన సినిమాగా బాలయ్య “అఖండ’’ నిలిచింది.. బాలయ్య యాక్షన్, బోయపాటీ డైరెక్షన్, తమన్ దద్దరిల్లే మ్యూజిక్ సినిమాను బ్లాక్ బస్టర్ గా నిలిపాయి.. అఖండతో బాలయ్య లో బోయపాటి సరికొత్త యాంగిల్ చూపించారు.. అఘోరగా బాలయ్య నటన అద్భుతమని చెప్పొచ్చు..
ఇక ఇదిలా ఉంటే బాలయ్య చిన్న కూతురు ఓన్ ప్రొడక్షన్ లో బాలయ్య, బోయపాటీ నాలుగో సినిమా లాంఛనంగా ప్రారంభం అయింది.. ఈ సినిమాకు అఖండ తాండవం 2” గా టైటిల్ అనౌన్స్ చేసారు.. ఈ సినిమాకు మరోసారి తమన్ మ్యూజిక్ అందించనున్నాడు.. బాలయ్య పాత్ర ఈ సినిమాలో మరింత కొత్తగా ఉండనుందని సమాచారం.దేవాలయాలను, వాటి పవిత్రతను కాపాడే పాత్రలో బాలయ్య కనిపించనున్నట్లు సమాచారం. ఈ పవర్‌ఫుల్‌ పాత్రకు బోయపాటి డైలాగులు మరింత శక్తినిచ్చేలా ఉంటాయని తెలుస్తుంది.ఇప్పటికే టైటిల్ అనౌన్స్ కార్యక్రమంలో బాలకృష్ణ చెప్పిన డైలాగు వైరల్‌గా మారింది. అలాంటి డైలాగులు ఈ చిత్రంలో ఎన్నో ఉండనున్నట్లు సమాచారం... హిందూ గ్రంథాల్లో జోక్యం చేసుకొని వాటిని నాశనం చేయాలని ప్రయత్నించే కొందరు దుర్మార్గులను అంతం చేసే పాత్రలో బాలయ్య కనిపిస్తారని సమాచారం.. అఖండ తాండవం మూవీ పాన్‌ ఇండియా స్థాయిలో విడుదల కానుంది. బాలకృష్ణ కెరీర్‌లోనే అత్యంత భారీ బడ్జెట్‌తో ఈ సినిమా తెరకెక్కుతుంది..