చరణ్ ప్యాన్స్ కి డబల్ ట్రీట్ రెడీ చేస్తున్న శంకర్.. అప్డేట్ మరికొంత కాలంలోనే..?
మెగా పవర్ స్టార్ రామ్ చరణ్ తాజాగా శంకర్ దర్శకత్వంలో గేమ్ చేంజర్ అనే సినిమాలో హీరోగా నటించాడు. శ్రీ వెంకటేశ్వర క్రియేషన్స్ బ్యానర్ పై ప్రముఖ నిర్మాత దిల్ రాజు ఈ మూవీ ని నిర్మించగా ... సన్సేషనల్ మ్యూజిక్ డైరెక్టర్ ఎస్ ఎస్ తమన్ ఈ సినిమాకు సంగీతాన్ని అందించాడు. ఎస్ జె సూర్య ఈ మూవీ లో ప్రతి నాయకుడి పాత్రలో కనిపించనుండగా ... అంజలి , శ్రీకాంత్ , సునీల్ , నవీన్ చంద్ర , జయరాం ఈ మూవీ లో ముఖ్య పాత్రలలో కనిపించనున్నారు. ఈ సినిమాను వచ్చే సంవత్సరం జనవరి 10 వ తేదీన విడుదల చేయనున్నారు. దానితో ఈ మూవీ బృందం నవంబర్ 9 వ తేదీన ఈ సినిమాకు సంబంధించిన టీజర్ ను విడుదల చేసింది.
ఈ మూవీ టీజర్ కు సూపర్ సాలిడ్ రెస్పాన్స్ జనాల నుండి లభించింది. ఇది ఇలా ఉంటే ఇన్ని రోజుల పాటు ఈ మూవీ బృందం పెద్దగా అప్డేట్లను విడుదల చేయలేదు. కానీ ఇకపై వరుస పెట్టి అప్డేట్లతో జోష్ చూపించబోతున్నట్లు తెలుస్తోంది. తాజాగా ఈ సినిమాకు సంబంధించిన ఓ క్రేజీ న్యూస్ వైరల్ అవుతుంది. అసలు విషయం లోకి వెళితే ... ఈ మూవీ బృందం వారు మరికొన్ని రోజుల్లోనే ఈ సినిమా నుండి ఓ ట్రైలర్ను విడుదల చేయబోతున్నట్లు తెలుస్తోంది.
ఇక సినిమా విడుదలకు చాలా రోజుల ముందే ఒక ట్రైలర్ను విడుదల చేసి సినిమా విడుదలకు తక్కువ రోజుల వ్యవధిలో మరో ట్రైలర్ను విడుదల చేసే ఆలోచనలో ఈ మూవీ బృందం ఉన్నట్లు అలా రెండు ట్రైలర్లను రిలీజ్ చేసే ఆలోచనలో ప్రస్తుతం ఈ మూవీ మేకర్స్ ఉన్నట్లు ఓ వార్త వైరల్ అవుతుంది. ఇక ఈ సినిమా నుండి రెండు ట్రైలర్లను విడుదల చేయబోతున్నట్లు వార్త వైరల్ అవుతూ ఉండడంతో చరణ్ అభిమానులు ఫుల్ ఖుషి అవుతున్నట్లు తెలుస్తుంది. ప్రస్తుతానికి ఈ మూవీ పై ప్రేక్షకుల్లో భారీ అంచనాలు నెలకొని ఉన్నాయి.