అక్కడ 15 రోజుల ముందే పుష్ప రాంపేజ్.. అసలు విషయం అదే..?
అల్లు అర్జున్ హీరోగా రష్మిక మందన హీరోయిన్గా రూపొందిన పుష్ప మూవీ కి సుకుమార్ దర్శకత్వం వహించాడు . ఈ సినిమాలో మలయాళ నటుడు ఫహద్ ఫాజిల్ ప్రధాన ప్రతినాయకు డి పాత్రలో నటించగా ... అనసూయ , సునీల్ నెగిటివ్ షేడ్స్ ఉన్న పాత్రలలో నటించారు . ఇక రావు రమేష్ ఏ మూవీ లో ముఖ్య పాత్రలలో కనిపించాడు . మైత్రి సంస్థ వారు అత్యంత భారీ బడ్జెట్ తో నిర్మించిన ఈ సినిమాకి రాక్ స్టార్ దేవి శ్రీ ప్రసాద్ సంగీతం అందించాడు. ఈ మూవీ లో సమంత స్పెషల్ సాంగ్లో నటించింది.
ఇకపోతే భారీ అంచనాల నడుమ పాన్ ఇండియా మూవీ గా విడుదల అయిన ఈ సినిమా అదిరిపోయే రేంజ్ కలెక్షన్లను వసూలు చేసి అద్భుతమైన విజయాన్ని అందుకుంది. ఈ సినిమాలోని అల్లు అర్జున్ నటనకు గాను ప్రేక్షకుల నుండి , విమర్శకుల నుండి అద్భుతమైన ప్రశంసలు దక్కాయి. ఇక ఈ మూవీలోని నటనకు అల్లు అర్జున్ ఏకంగా నేషనల్ అవార్డు కూడా వచ్చింది. ఇకపోతే ఈ సినిమాకు కొనసాగింపుగా పుష్ప పార్ట్ 2 రూపొందుతుంది. ఈ సినిమాను డిసెంబర్ 5 వ తేదీన విడుదల చేయనున్నారు.
ఇది ఇలా ఉంటే ఈ సినిమా రెండవ భాగం విడుదలకు దాదాపు 15 రోజుల ముందు ఈ సినిమా యొక్క మొదటి భాగాన్ని రీ రిలీజ్ చేయనున్నారు. అందుకు సంబంధించిన అధికారిక ప్రకటన తాజాగా వెలువడింది. ఈ సినిమాను నవంబర్ 19 వ తేదీన యూఎస్ఏ లో గ్రాండ్ గా రీ రిలీజ్ చేయనున్నట్లు ఈ మూవీ బృందం వారు తాజాగా అధికారికంగా ప్రకటిస్తూ ఓ పోస్టర్ను కూడా విడుదల చేశారు. ఆ పోస్టర్ ప్రస్తుతం సోషల్ మీడియాలో ఫుల్ గా వైరల్ అవుతుంది.