ఆ ఫ్యామిలీకి అస్సలు కలిసి రాని తమన్నా.. అన్ని అలాంటి అనుభవాలే..?
టాలీవుడ్ ఇండస్ట్రీ లో మంచి క్రేజ్ కలిగిన హీరోయిన్లలో మిల్కీ బ్యూటీ తమన్నా ఒకరు. ఈ ముద్దు.గుమ్మ శేఖర్ కమ్ముల దర్శకత్వంలో రూపొందిన హ్యాపీ డేస్ మూవీ ద్వారా మొదటి బ్లాక్ బస్టర్ విజయాన్ని తెలుగు లో అందుకుంది. ఈ సినిమా ద్వారా ఈమె క్రేజ్ ఒక్క సారిగా పెరిగింది. ఆ తర్వాత ఈమెకు అద్భుతమైన రేంజ్ ఉన్న సినిమాలలో అవకాశాలు దక్కడం , అందులో చాలా వరకు మంచి విజయాలను అందుకోవడంతో ఈమె చాలా తక్కువ కాలం.లోనే టాలీవుడ్ ఇండస్ట్రీ లో స్టార్ హీరోయిన్ స్థాయికి వెళ్లిపోయింది.
ఇక ఇప్పటికి కూడా ఈ బ్యూటీ తెలుగు లో అవకాశాలను దక్కించుకుంటూ మంచి జోష్లో కెరియర్ను ముందుకు సాగిస్తుంది. ఇకపోతే ఈ బ్యూటీ ఓ ఫ్యామిలీ కి సంబంధించిన హీరోలతో నటించిన సినిమాలలో ఏ సినిమాలు కూడా పెద్ద స్థాయి విజయాన్ని అందుకోలేదు. టాలీవుడ్ ఇండస్ట్రీ లో సూపర్ క్రేజ్ కలిగిన కుటుంబాలలో నందమూరి కుటుంబం ఒకటి. ఇకపోతే నందమూరి హీరోలలో ఒకరు అయినటువంటి యంగ్ టైగర్ జూనియర్ ఎన్టీఆర్ హీరోగా రూపొందిన ఊసరవెల్లి సినిమాలో కూడా ఈ నటి హీరోయిన్గా నటించింది. భారీ అంచనాల నడుమ విడుదల అయిన ఈ సినిమా బాక్స్ ఆఫీస్ దగ్గర ఫెయిల్యూర్ అయ్యింది. ఇక నందమూరి హీరోలలో ఒకరు అయినటువంటి కళ్యాణ్ రామ్ హీరోగా రూపొందిన నా నువ్వే అనే సినిమాలో తమన్నా హీరోయిన్గా నటించింది.
ఈ సినిమా బాక్స్ ఆఫీస్ దగ్గర ఫ్లాప్ అయ్యింది. ఇలా నందమూరి హీరోలు అయినటువంటి జూనియర్ ఎన్టీఆర్ , కళ్యాణ్ రామ్ హీరోలుగా రూపొందిన రెండు సినిమాలలో తమన్నా హీరోయిన్గా నటించగా ... ఈ రెండు మూవీ లు కూడా బాక్స్ ఆఫీస్ దగ్గర పెద్ద స్థాయి విజయాలను అందుకోలేదు. ఇకపోతే కొంత కాలం క్రితం జూనియర్ ఎన్టీఆర్ "జై లవకుశ" అనే సినిమాలో హీరోగా నటించిన విషయం మనకు తెలిసిందే. ఈ సినిమాలో తమన్నా ఓ స్పెషల్ సాంగ్లో నటించింది. ఈ సినిమా మాత్రం బాక్స్ ఆఫీస్ దగ్గర మంచి విజయాన్ని అందుకుంది.