కంగువా : ఊహించని స్టార్ గెస్ట్ రోల్..ఫ్యాన్స్ కి బిగ్ సర్ప్రైజ్..!!
తెలుగు సినిమా ఇండస్ట్రీ అంటే బాహుబలికి ముందు బాహుబలికి తరువాత అని చెప్పుకోవాలి.. ఆ సినిమా సాధించిన రికార్డ్స్ అన్నీ ఇన్నీ కాదు..ప్రపంచవ్యాప్తంగా ఆ సినిమా తెలుగు సినిమా స్థాయిని పెంచేసింది..అప్పటినుండి కోలీవుడ్ కూడా ఇలా తమకంటూ ఒక రికార్డ్ బ్రేకింగ్ మూవీ ఉండాలని ఎంతగానో ప్రయత్నం చేస్తుంది.. కానీ తమిళ ఇండస్ట్రీ లో పాన్ ఇండియాను షేక్ చేసే మూవీ తెరకెక్కలేదు.. ఇప్పుడు ఆ ప్రెస్టేజియస్ టార్గెట్‌ను సూర్య నటించిన'కంగువా’ సినిమా పూర్తి చేయాలనుకుంటోంది. భారీ బడ్జెట్‌తో తెరకెక్కిన ఈ మూవీని నవంబర్ 14 న ప్రపంచవ్యాప్తంగా గ్రాండ్ గా రిలీజ్ చేయనున్నారు..ఈ సినిమాను తమిళ స్టార్ డైరెక్టర్ శివ తెరకెక్కించాడు.. బాలీవుడ్ స్టార్ హీరోయిన్ దిశాపటాని ఈ సినిమాలో హీరోయిన్ గా నటించింది.. అలాగే బాలీవుడ్ స్టార్ బాబీ డియోల్ ఈ సినిమాలో విలన్ గా నటించాడు..తాజాగా దర్శకుడు శివ
'కంగువా' సినిమాలో గెస్ట్ రోల్ గురించి ఇంట్రెస్టింగ్ కామెంట్స్ చేశారు.
''కంగువా’ సినిమాలో ఒక సర్‌ప్రైజింగ్ గెస్ట్ రోల్ ఉంటుంది. అదే సీక్వెల్‌కు దారితీస్తుంది. ఆ పాత్రను ఎవరు పోషించారో తెలియాలంటే వెండితెరపై సినిమా చూడాల్సిందే అని చెప్పుకొచ్చారు.. అలాగే తెలుగు స్టార్ హీరోలతో పని చేయాలనీ ఉందని దర్శకుడు శివ చెప్పుకొచ్చారు... నా దగ్గర కొన్ని ఆసక్తికరమైన కథలు ఉన్నాయి. సమయం వస్తే తెలుగు స్టార్లతో సినిమా తీసేందుకు సిద్ధంగా ఉన్నట్లు దర్శకుడు శివ తన మనసులోని మాటలను బయటపెట్టారు.తమిళనాట దర్శకుడు శివకు యాక్షన్ డైరెక్టర్‌గా మంచి గుర్తింపు వుంది..ఆయన తెలుగులో కూడా పలు చిత్రాలను డైరెక్ట్ చేశారు. గోపీచంద్‌తో 'శౌర్యం', 'శంఖం' అనే యాక్షన్ సినిమాలు చేశారు. అలాగే మాస్ మహారాజ్ రవితేజతో 'దరువు'అనే సినిమాను డైరెక్ట్ చేసింది కూడా ఆయనే. ఆ సినిమా తరువాత ఆయన మళ్ళీ తెలుగు సినిమా చేయలేదు..దీనితో తెలుగు సినిమాపై వున్న మక్కువ చాటుకున్నారు..