అఖిల్ నెక్ట్స్ ప్రాజెక్ట్ ఆ స్మాల్ డైరెక్ట‌ర్‌తో ఫిక్స్ చేశారా...!

RAMAKRISHNA S.S.
టాలీవుడ్ న‌వ మ‌న్మ‌థుడు అక్కినేని అఖిల్ కెరీర్ ఏ మాత్రం ఆశా జ‌న‌కంగా ముందుకు వెళ్ల‌డం లేదు. ఎప్పోడ 8 ఏళ్ల క్రితం అఖిల్ వివి. వినాయ‌క్ ద‌ర్శ‌క‌త్వం లో అఖిల్ సినిమాతో హీరోగా ప్రేక్ష‌కుల ముందుకు వ‌చ్చారు. ఆ సినిమా పెద్ద డిజాస్ట‌ర్‌.. అస‌లు అఖిల్ ప‌రువు మొత్తం తీసేసింది. ఆ త‌ర్వాత సొంత బ్యాన‌ర్లో మల్టీ టాలెంటెడ్ అండ్ ఇంటిలిజెంట్ డైరెక్ట‌ర్ అయిన విక్ర‌మ్ కె. కుమార్ ద‌ర్శ‌క‌త్వం లో హ‌లో సినిమాతో ప్రేక్ష‌కుల ముందుకు వ‌చ్చారు. ఆ సినిమా కూడా స‌రిగా ఆడ‌లేదు.

ఆ త‌ర్వాత మిస్ట‌ర్ మ‌జ్ను అంటూ వెంకీ అట్లూరి ద‌ర్శ‌క‌త్వం లో న‌టించాడు. యూత్‌ను ఆక‌ట్టుకునే ల‌వ్ స్టోరీగా తెర‌కెక్కిన ఈ సినిమా అయినా అఖిల్‌కు హిట్ ఇస్తుంద‌ని అక్కినేని అభిమానులు మాత్ర‌మే కాదు.. అఖిల్ , నాగార్జున కూడా ఆశ‌లు పెట్టుకుంటే రివ‌ర్స్ అయ్యింది. ఈ సినిమా కూడా ప్రేక్ష‌కుల తిర‌స్క‌ర‌ణ‌కు గురైంది. ఆ త‌ర్వాత మోస్ట్ ఎలిజ‌బుల్ బ్యాచిల‌ర్ సినిమా చేస్తే ఇదొక్క‌టి కాస్త యావ‌రేజ్ అయ్యి అఖిల్ ప‌రువు కాపాడింది.

ఆ త‌ర్వాత భారీ బ‌డ్జెట్ అంటూ సురేంద‌ర్ రెడ్డి ద‌ర్శ‌క‌త్వం లో చేసిన ఏజెంట్ బిగ్గెస్ట్ డిజాస్ట‌ర్ అయ్యింది. ఏజెంట్ సినిమా అఖిల్ ప‌రువు మొత్తం నేల‌కు నాకించేసింది. ఈ క్ర‌మంలోనే ఇప్పుడు అఖిల్ త‌న నెక్ట్స్ సినిమా కోసం చాలా జాగ్ర‌త్త‌లు తీసుకుంటున్నాడు. కెరీర్ లో స‌రైన హిట్ లేక పోవ‌డంతో అక్కినేని అఖిల్ నెక్స్ట్ మూవీని ఎవరితో చేస్తాడా అనేది కూడా ఆసక్తికరంగా మారింది.

కాగా, అఖిల్ ఇప్పటికే తన నెక్స్ట్ ప్రాజెక్ట్‌ని ఓకే చేసినట్లు టాక్‌. ‘వినరో భాగ్యము విష్ణు కథ’ వంటి డీసెంట్ సినిమా తెరకెక్కించిన మురళీ కిషోర్ అబ్బూరు డైరెక్షన్‌లో అఖిల్ ఓ సినిమా చేసేందుకు ఓకే చెప్పాడంటున్నారు. ఈ సినిమా రాయలసీమ బ్యాక్‌డ్రాప్‌లో తెరకెక్కనుందని.. ఇందులో ఎమోషన్స్ అభిమానులను ఆకట్టుకుంటాయని టాక్ ?
మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

సంబంధిత వార్తలు: