రకుల్ రిజెక్ట్ చేసిన మూవీతో రష్మికకు బ్లాక్ బస్టర్.. చిన్న కారణంతో పెద్ద మూవీని వదిలేసింది..?
టాలీవుడ్ ఇండస్ట్రీలో స్టార్ హీరోయిన్లలో ఒకరు అయినటువంటి రకుల్ ప్రీత్ సింగ్ గురించి ప్రత్యేకంగా పరిచయం చేయాల్సిన అవసరం లేదు. ఈమె వెంకటాద్రి ఎక్స్ప్రెస్ మూవీతో తెలుగు సినీ పరిశ్రమలో అద్భుతమైన గుర్తింపును సంపాదించుకుంది. ఇది ఇలా ఉంటే ఈమె తన కెరియర్ లో చాలా సినిమాలను వదులుకుంది. అందులో కొన్ని సినిమాలు అద్భుతమైన బ్లాక్ బాస్టర్ విజయాలను కూడా అందుకున్నాయి. ఇకపోతే రకుల్ ప్రీత్ సింగ్ ఓ సినిమాను రిజెక్ట్ చేయగా ఆ మూవీ లో రష్మిక మందన హీరోయిన్గా నటించింది. ఆ సినిమా ఏకంగా భారీ బ్లాక్ బస్టర్ విజయాన్ని అందుకుంది. ఆ సినిమాతో రష్మిక కెరియర్ పూర్తిగా టర్న్ అయింది. ఇంతకీ ఆ సినిమా ఏది ..? ఎందుకు రకుల్ ఆ మూవీ ని రిజెక్ట్ చేసింది అనే వివరాలను తెలుసుకుందాం.
కొన్ని సంవత్సరాల క్రితం విజయ్ దేవరకొండ హీరోగా రష్మిక మందన హీరోయిన్గా పరశురామ్ దర్శకత్వంలో గీత గోవిందం అనే సినిమా రూపొందిన విషయం మన అందరికీ తెలిసిందే. ఈ మూవీ బ్లాక్ బస్టర్ విజయం అందుకుంది. ఈ సినిమాతో రష్మిక క్రేజ్ తెలుగులో అమాంతం పెరిగిపోయింది. ఇకపోతే ఈ సినిమాలో మొదటగా రష్మిక పాత్ర కోసం మేకర్స్ రకుల్ ప్రీత్ సింగ్ ను అనుకున్నారట. అందులో భాగంగా ఆమెను సంప్రదించి కథను కూడా వివరించారట.
కథ మొత్తం విన్న రకుల్ స్టోరీ సూపర్ గా ఉంది. కాకపోతే మీరు ఈ సినిమా ఏ సమయంలో చేయాలి అనుకుంటున్నారో ఆ సమయంలో నేను వేరే సినిమాకు కమిట్ అయి ఉన్నాను. దానితో ఈ సినిమా నేను చేయలేను. మీరు వేరే వారితో ఈ సినిమా చేయండి అని చెప్పిందట. దానితో మేకర్స్ రష్మిక ను సంప్రదించడం , ఆమె ఈ సినిమాకు గ్రీన్ సిగ్నల్ ఇవ్వడం జరిగిందట. అలా రకుల్ తో అనుకున్న సినిమాలు రష్మిక తో రూపొందించినట్లు తెలుస్తుంది. ఇలా రకుల్ రిజెక్ట్ చేసిన సినిమా ద్వారా రష్మిక కి బ్లాక్ బస్టర్ దక్కినట్లు తెలుస్తుంది.