ఒక్కదానితోనే ఆపేసిన అనుష్క.. సమంత.. క్రేజ్ ఉన్న అస్సలు ఇంట్రెస్ట్ చూపడం లేదుగా..?
టాలీవుడ్ ఇండస్ట్రీ లో సూపర్ క్రేజ్ కలిగిన హీరోయిన్లలో అనుష్క , సమంత కూడా ఉంటారు. ఇకపోతే అనుష్క , నాగార్జున హీరోగా పూరి జగన్నాథ్ దర్శకత్వంలో రూపొందిన సూపర్ అనే సినిమాతో టాలీవుడ్ ఇండస్ట్రీలోకి ఎంట్రీ ఇచ్చింది. ఈ మూవీ తోనే ఈ ముద్దుగుమ్మ అద్భుతమైన గుర్తింపును సంపాదించుకుంది. ఆ తర్వాత వరుస పెట్టి స్టార్ హీరోల సినిమాలలో నటించి ఎన్నో విజయాలను అందుకొని ఇప్పటికి కూడా తెలుగు సినీ పరిశ్రమలో మంచి గుర్తింపు కలిగిన నటిగా కెరియర్ను కొనసాగిస్తుంది.
ఇకపోతే సమంత , నాగ చైతన్య హీరోగా గౌతమ్ వాసుదేవ్ మీనన్ దర్శకత్వంలో రూపొందిన ఏం మాయ చేసావే అనే మూవీ తో టాలీవుడ్ ఇండస్ట్రీ లోకి ఎంట్రీ ఇచ్చే మొదటి సినిమాతోనే మంచి గుర్తింపు సంపాదించుకొని ఆ తర్వాత చాలా తక్కువ కాలంలోనే స్టార్ హీరోయిన్ స్థాయికి వెళ్ళిపోయింది. ఇకపోతే అనుష్క తన కెరియర్ ను ప్రారంభించిన కొత్తలోనే మెగాస్టార్ చిరంజీవి హీరోగా ఏ ఆర్ మురగదాస్ దర్శకత్వంలో రూపొందిన స్టాలిన్ సినిమాలో స్పెషల్ సాంగ్లో నటించింది. ఈ సాంగ్ కి సూపర్ రెస్పాన్స్ వచ్చింది. ఈ సాంగ్ అద్భుతంగా సక్సెస్ కావడంతో అనుష్క అనేక సినిమాల్లో స్పెషల్ సాంగ్స్ లో నటిస్తుంది అని చాలా మంది అనుకున్నారు. కానీ ఆమె అప్పటి నుండి ఇప్పటివరకు ఏ సినిమాలో స్పెషల్ సాంగ్ చేయలేదు. ఇక సమంత కొంత కాలం క్రితం అల్లు అర్జున్ హీరోగా సుకుమార్ దర్శకత్వంలో రూపొందిన పుష్ప పార్ట్ 1 సినిమాలో స్పెషల్ సాంగ్లో నటించింది.
ఈ సాంగ్ ద్వారా సమంత కి ఇండియా వ్యాప్తంగా క్రేజ్ వచ్చింది. దానితో ఈమె కూడా వరుస పెట్టి స్పెషల్ సాంగ్స్ లలో చేస్తుందేమో అని చాలా మంది అనుకున్నారు. కానీ ఈమె కూడా పుష్ప పార్ట్ 1 సినిమా విడుదల అయ్యి చాలా కాలమే అవుతున్న ఆ తర్వాత ఒక్క ఐటమ్ సాంగ్ లో కూడా నటించలేదు. ఇలా వీళ్ళిద్దరూ స్పెషల్ సాంగ్ ల ద్వారా ఫుల్ క్రేజ్ సంపాదించుకున్న ఆ తర్వాత మళ్లీ వాటి వైపు తిరిగి చూడడం లేదు.