హారిస్ జయరాజ్ : ఆ సినిమా ఫ్లాప్.. కానీ మ్యూజిక్ కి ఇప్పటికీ జనాలు ఫిదా..?
తమిళ సినిమాల ద్వారా మంచి గుర్తింపును సంపాదించుకున్న ఎంతోమంది సంగీత దర్శకులు టాలీవుడ్ ఇండస్ట్రీలోకి ఎంట్రీ ఇచ్చిన సందర్భాలు కూడా ఉన్నాయి. ఇకపోతే తమిళ సినిమాల ద్వారా మంచి సంగీత దర్శకుడిగా గుర్తింపును సంపాదించుకొని టాలీవుడ్ ఇండస్ట్రీలో అనేక సినిమాలకు పని చేసిన వారిలో హారిస్ జయరాజ్ ఒకరు. ఈయన తన కెరీర్ లో ఎన్నో తెలుగు సినిమాలకు సంగీతం అందించాడు. కానీ ఈ సంగీత దర్శకుడు సంగీతం అందించిన సినిమాలలో చాలా తక్కువ తెలుగు సినిమాలు మాత్రమే మంచి విజయాలను అందుకున్నాయి.
ఇక ఈయన సంగీతం అందించిన సినిమాల విజయాల విషయాన్ని కాసేపు పక్కన పెడితే ఈయన మాత్రం అనేక తెలుగు సినిమాలకు అద్భుతమైన సంగీతాన్ని అందించాడు. ఈయన సంగీతం అందించిన సినిమాలలో అన్ని పాటలు అద్భుతంగా వచ్చిన సినిమాలలో ఆరంజ్ మూవీ ఒకటి. మెగా పవర్ స్టార్ రామ్ చరణ్ హీరోగా జెనీలియా హీరోయిన్ గా బొమ్మరిల్లు భాస్కర్ దర్శకత్వంలో రూపొందిన ఈ సినిమా 2010 సంవత్సరం విడుదల అయింది. ఈ సినిమా విడుదలకు ముందే ఈ మూవీ నుండి విడుదల చేసిన పాటలకు ప్రేక్షకుల నుండి అద్భుతమైన ప్రశంసలు దక్కాయి.
ఇక సినిమా విడుదల అయిన తర్వాత ఈ మూవీ కి ఫ్లాప్ టాక్ వచ్చింది. దానితో ఈ మూవీ బాక్స్ ఆఫీస్ దగ్గర డిజాస్టర్ అయ్యింది. కానీ ఈ మూవీలోని పాటలకు మాత్రం ఇప్పటికీ ప్రేక్షకుల నుండి అద్భుతమైన రెస్పాన్స్ లభిస్తుంది. దానితో ఈ సినిమా ఫ్లాప్ అయినా కూడా ఈ మూవీ కి హారిస్ జయరాజ్ అందించిన సంగీతానికి మాత్రం ప్రేక్షకుల నుండి , విమర్శకుల నుండి ఇప్పటికి ప్రశంసలు దక్కుతూనే ఉన్నాయి. ఇలా ఆరెంజ్ మూవీ ఫ్లాప్ అయిన ఆ సినిమాకు సంగీతం అందించిన హరీష్ జయరాజ్ మాత్రం అద్భుతమైన స్థాయిలో ప్రశంసలను అందుకున్నాడు.