భారీ నిడివితో పుష్ప ట్రైలర్.. మరి అంత అవసరమా..?
ప్రస్తుతం ఇండియా వ్యాప్తంగా భారీ అంచనాలు కలిగి ఉన్న సినిమాలలో పుష్ప పార్ట్ 2 మొదటి వరుసలో ఉంటుంది. అల్లు అర్జున్ హీరోగా రూపొందిన ఈ సినిమాలో అందాల ముద్దుగుమ్మ రష్మిక మందన హీరోయిన్గా నటించగా ... టాలెంటెడ్ డైరెక్టర్ సుకుమార్ ఈ సినిమాకు దర్శకత్వం వహించాడు. మలయాళ నటుడు ఫహద్ ఫాజిల్ ఈ మూవీలో ప్రధాన ప్రతి నాయకుడి పాత్రలో కనిపించనుండగా ... అనసూయ , సునీల్ , రావు రమేష్ ఈ మూవీ లో ముఖ్య పాత్రలలో కనిపించబోతున్నారు. రాక్ స్టార్ దేవి శ్రీ ప్రసాద్ సంగీతం అందిస్తున్న ఈ మూవీ ని మైత్రి సంస్థ వారు అత్యంత భారీ బడ్జెట్ తో నిర్మిస్తున్నారు.
ఈ సినిమాను ఈ సంవత్సరం డిసెంబర్ 5 వ తేదీన విడుదల చేయనున్నట్లు కొన్ని రోజుల క్రితమే ఈ మూవీ బృందం వారు అధికారికంగా ప్రకటించారు. ఇకపోతే కొన్ని రోజుల క్రితమే ఈ సినిమా బృందం ఈ మూవీ యొక్క ట్రైలర్ను నవంబర్ 17 వ తేదీన విడుదల చేయనున్నట్లు అధికారికంగా ప్రకటించారు. ప్రస్తుతం అందుతున్న సమాచారం ప్రకారం ఈ మూవీ యూనిట్ ఈ సినిమా యొక్క ట్రైలర్ ను పాట్నా వేదికగా విడుదల చేయబోతున్నట్లు తెలుస్తోంది. ఇక ఇప్పటికే ఈ సినిమా ట్రైలర్ మొత్తం రెడీ అయినట్లు తెలుస్తోంది.
ప్రస్తుతం అందుతున్న సమాచారం ప్రకారం ఈ మూవీ ట్రైలర్ను 2 నిమిషాల 44 సెకండ్ల నడివితో ప్రేక్షకుల ముందుకు తీసుకురాబోతున్నట్లు తెలుస్తుంది. ఇలా మంచి రన్ టైమ్ తో ఈ మూవీ ట్రైలర్ ప్రేక్షకుల ముందుకు రాబోతున్నట్లు తెలుస్తోంది. మరి ఈ మూవీ ట్రైలర్ పై ప్రస్తుతానికి ప్రేక్షకుల్లో భారీ అంచనాలు ఉన్నాయి. మరి ఆ అంచనాలను ఈ సినిమా ట్రైలర్ అందుకున్నట్లయితే ఈ మూవీ పై హైప్ మరింతగా పెరిగే అవకాశం చాలా వరకు ఉంది.