పవర్ స్టార్ ఫ్యాన్స్ కి గుడ్ న్యూస్.. ఫైనల్ స్టేజ్ కి 'వీరమల్లు' షూటింగ్..!!
పవర్ స్టార్ పవన్ కల్యాణ్ ప్రస్తుతం రాజకీయాలలో చాలా బిజీగా వున్నారు.. ఇటీవల జరిగిన సార్వత్రిక ఎన్నికలలో అద్భుత విజయం సాధించిన పవన్ కల్యాణ్ ఆంధ్రప్రదేశ్ రాష్ట్ర డిప్యూటీ సీఎంగా భాద్యతలు చేపట్టారు.. అయితే ఎలక్షన్స్ ముందే పవన్ కల్యాణ్ కొన్ని సినిమాలకు కమిట్ అయ్యారు..ఎలక్షన్స్ కారణంగా ఆ సినిమాల షూటింగ్ కూడా ఆగిపోయింది..దీనితో పవన్ కల్యాణ్ ఫ్యాన్స్ తమ హీరో సినిమా మళ్ళీ ఎప్పుడు వస్తుందా అని ఎంతగానో ఎదురుచూస్తున్నారు.. ఇదిలా ఉంటే డిప్యూటీ సీఎంగా భాద్యతలు చేపట్టిన పవన్ రాజకీయంగా ప్రజాసేవ చేస్తూనే తాను ఒప్పుకున్న సినిమాలను పూర్తి చేయాలనీ భావించారు.. దానికి అనుగుణంగా ఆ సినిమాల షూటింగులో పాల్గొంటున్నారు.. పవన్ కల్యాణ్ లైనప్ లో వున్న భారీ సినిమాలలో హరి హర వీరమల్లు సినిమా ఒకటి.. క్రిష్ జాగర్లమూడి మొదలు పెట్టిన ఈ సినిమా చాలా కాలంగా షూటింగ్ కు నోచుకోక పెండింగ్ లో పడింది..బిగ్గెస్ట్ పీరియాడిక్ మూవీగా తెరకెక్కుతున్న ఈ సినిమాను ఏ. ఎం. రత్నం భారీ బడ్జెట్ తో నిర్మిస్తున్నారు..
ఈ సినిమాను మేకర్స్ రెండు భాగాలుగా తెరకెక్కిస్తున్నారు.. ఈ సినిమాలో పవన్ సరసన హాట్ బ్యూటీ నిధి అగర్వాల్ హీరోయిన్ గా నటిస్తుంది.. ఈ సినిమా షూటింగ్ అంతకంతకు ఆలస్యం అవడంతో క్రిష్ ఈ సినిమా నుంచి తప్పుకున్నారు.. దాదాపు సగానికిపైగా షూటింగ్ పూర్తి చేసుకున్న ఈ సినిమా మిగతా భాగాన్ని ఏఎం రత్నం పెద్ద కుమారుడు జ్యోతి కృష్ణ పూర్తి చేస్తున్నారు.. ఇటీవల టీజర్ రిలీజ్ చేసిన మేకర్స్ ఈ విషయాన్ని ధ్రువీకరించారు.. అయితే ఇటీవల ఈ సినిమా షూటింగ్ మొదలైంది..ఇదిలా ఉంటే తాజాగా ఈ సినిమా నుంచి ఓ అప్డేట్ బాగా వైరల్ అవుతుంది..ఈ సినిమా షూటింగ్ చివరి దశకు చేరుకుంది..ప్రస్తుతం హైదరాబాద్ లో పవర్ స్టార్ లేని సన్నివేశాలు చిత్రీకరిస్తున్నారు..తరువాత షెడ్యూల్ లో పవన్ పాల్గొంటారని ఈ షెడ్యూల్ తో సినిమా పూర్తి అవుతుందని సమాచారం..ఈ సినిమా వచ్చే ఏడాది మార్చి 28 న గ్రాండ్ గా రిలీజ్ కానుంది..