తమిళ్ ఇండస్ట్రీకి వరుసగా ఎదురు దెబ్బలు.. ఆ రికార్డు కోసం ఎంత ప్రయత్నించినా నో యూస్..?
కొన్ని సంవత్సరాల క్రితం సౌత్ లో అత్యధిక కలెక్షన్లను వసూలు చేసే సినిమాల లిస్టులో ఎక్కువ శాతం తమిళ సినిమాలు నిలుస్తూ ఉండేవి. తెలుగు సినిమాలను ఎక్కువ శాతం కేవలం తెలుగు భాషలో మాత్రమే విడుదల చేసేవారు. దానితో టాలీవుడ్ సినిమాలు అదిరిపోయే రేంజ్ బ్లాక్ బస్టర్ టాక్ ను తెచ్చుకున్న కూడా తక్కువ మాత్రం కలెక్షన్లతోనే సరిపెట్టుకోవాల్సి వచ్చేది. కానీ ఎప్పుడు అయితే బాహుబలి సినిమా వచ్చిందో అప్పటి నుండి తెలుగు సినిమా క్రేజ్ అమాంతం పెరిగిపోయింది. మన తెలుగు సినిమాలను కేవలం తెలుగు భాషలో మాత్రమే కాకుండా అనేక భాషలలో ప్రపంచ వ్యాప్తంగా ఒక్కసా రిగా విడుదల చేస్తున్నారు.
దానితో వందల కోట్ల కలెక్షన్లు మన సినిమాలకు వస్తున్నాయి. ఇప్పటికే వెయ్యి కోట్ల కలెక్షన్లను సాధించిన తెలుగు సినిమాలు కూడా అనేకం ఉన్నాయి. ఇక ఈ మధ్య కాలంలో తెలుగు సినిమాల కలెక్షన్లతో తమిళ సినిమాలు పెద్దగా పోటీ పడలేకపోతున్నాయి. ఇప్పటివరకు కోలీవుడ్ ఇండస్ట్రీ నుండి ఒక 1000 కోట్ల సినిమా కూడా రాలేదు. దానితో వారంతా ఒక్క 1000 కోట్ల సినిమా అయినా తమ ఇండస్ట్రీ నుండి రావాలి అనే కసితో అనేక భారీ బడ్జెట్ సినిమాలను తీసి విడుదల చేస్తున్న ప్రతిఫలం ఉండడం లేదు. ఇక కొంత కాలం క్రితం తమిళ నటుడు తళపతి విజయ్ గోట్ అనే సినిమాలో హీరోగా నటించాడు. ఈ మూవీ కి బ్లాక్ బస్టర్ టాక్ వస్తే ఈ మూవీ 1000 కోట్ల కలెక్షన్లను వసూలు చేస్తుంది అని కోలీవుడ్ ప్రేక్షకులు భావించారు. కానీ ఈ సినిమాకు పాజిటివ్ టాక్ రాకపోవడంతో ఈ సినిమా ఆ స్థాయి కలెక్షన్లను రీచ్ కాలేకపోయింది.
ఇక తాజాగా సూర్య నటించిన కంగువా సినిమా విడుదల అయింది. ఈ మూవీతో ఏకంగా 2000 కోట్ల కలెక్షన్లను కొల్లగొడతామని ఈ మూవీ నిర్మాత చెప్పాడు. దానితో ఇక కనీసం వెయ్యి కోట్లయినా సాధిస్తుంది అని తమిళ ప్రేక్షకులు భావించారు. కానీ ఈ సినిమాకు కూడా నెగిటివ్ టాక్ వచ్చింది. ఈ మూవీ కూడా 1000 కోట్ల కలెక్షన్లకి దరిదాపుల్లోకి కూడా వెళ్లే పరిస్థితులు ప్రస్తుతం కనబడడం లేదు.