పరిస్థితి చూస్తూ ఉంటే ఆ సంక్రాంతి రిజల్ట్ తరుమరయ్యేలా ఉందే.. ఈసారి అందరూ గట్టిగానే..?
టాలీవుడ్ బాక్సాఫీస్ దగ్గర సంక్రాంతి పండగ వచ్చింది అంటే చాలు అద్భుతమైన సందడి వాతావరణం నెలకొంటూ ఉంటుంది. దానికి ప్రధాన కారణం ఎక్కువ శాతం స్టార్ హీరోలు తమ సినిమాలను సంక్రాంతి పండక్కి రిలీజ్ చేయాలి అని ఆలోచిస్తూ ఉంటారు. దానితో ఆ పండక్కి బాక్స్ ఆఫీస్ దగ్గర అద్భుతమైన జోష్ ఉంటుంది. ఇకపోతే 2019 వ సంవత్సరం మెగా పవర్ స్టార్ రామ్ చరణ్ హీరోగా రూపొందిన వినయ విధేయ రామ , నందమూరి బాలకృష్ణ హీరోగా రూపొందిన కథనాయకుడు , విక్టరీ వెంకటేష్ , వరుణ్ తేజ్ హీరోలుగా రూపొందిన ఎఫ్ 2 సినిమాలు విడుదల అయ్యాయి.
ఇందులో విధేయ రామ , కథానాయకుడు సినిమాలో భారీ అపజయాలను అందుకోగా , ఎఫ్ 2 మూవీ మాత్రం బ్లాక్ బాస్టర్ విజయాన్ని అందుకొని ఆ సంవత్సరం సంక్రాంతి విన్నర్ గా నిలిచింది. ఇకపోతే వచ్చే సంవత్సరం సంక్రాంతి పండుగ సందర్భంగా రామ్ చరణ్ హీరోగా రూపొందుతున్న గేమ్ చేంజర్ , బాలకృష్ణ హీరోగా తెరకెక్కుతున్న డాకు మహారాజ్ , విక్టరీ వెంకటేష్ హీరోగా రూపొందుతున్న సంక్రాంతికి వస్తున్నాం సినిమాలు విడుదల కానున్నాయి. దానితో 2019 వ సంవత్సరం సంక్రాంతి పండుగ సందర్భంగా బాక్సాఫీస్ దగ్గర తలపడిన చరణ్ , బాలయ్య , వెంకీ మరోసారి 2025 సంక్రాంతి కి తలబడబోతున్నారు. మరి అప్పటి సెంటిమెంట్ వర్కౌట్ అయితే ఈ సారి కూడా వెంకీ విజయం సాధిస్తాడు అని వెంకటేష్ అభిమానులు ఆశాభావం వ్యక్తం చేస్తూ వచ్చారు. ఇకపోతే ప్రస్తుత పరిస్థితులు చూస్తూ ఉంటే 2019 సెంటిమెంట్ తారుమారు అయ్యే అవకాశాలు కనబడుతున్నాయి.
ఇప్పటికే గేమ్ చేంజర్ , డాకు మహారాజ్ సినిమా టీజర్లు విడుదల కాగా అవి అద్భుతమైన స్థాయిలో ఉన్నాయి. ఇక ఈ రెండు సినిమాలు కూడా విజయాలు సాధించే అవకాశాలు ఉన్నాయి అని ప్రేక్షకులు భావిస్తున్నారు. సంక్రాంతికి వస్తున్నాం సినిమా టీజర్ కూడా వచ్చి ఆ సినిమా టీజర్ కూడా బాగున్నట్లయితే దానిపై కూడా అంచనాలు పెరిగే అవకాశం ఉంది. మరి వచ్చే సంవత్సరం సంక్రాంతి పండుగ విన్నర్ గా ఎవరు నిలుస్తారో చూడాలి.