ఆరు కోట్ల సమరసింహారెడ్డి.. ఎన్ని కలెక్షన్లను సాధించిందో తెలుసా.. అప్పట్లో ఇండస్ట్రీ హిట్..?
నందమూరి నట సింహం బాలకృష్ణ ఇప్పటివరకు తన కెరీర్లో ఎన్నో ఇండస్ట్రీ హిట్ మూవీ లలో హీరో గా నటించాడు. ఇక బాలకృష్ణ హీరో గా నటించిన ఇండస్ట్రీ హిట్ మూవీలలో సమరసింహారెడ్డి సినిమా ఒకటి. ఈ మూవీ కి టాలెంటెడ్ డైరెక్టర్ బి గోపాల్ దర్శకత్వం వహించగా ... మణిశర్మ ఈ సినిమాకు సంగీతం అందించాడు. ఈ మూవీ లో బాలయ్యక్కు జోడిగా సిమ్రాన్ , అంజలి జావేరి హీరోయిన్లుగా నటించారు. ఇకపోతే ఈ సినిమాలో సిమ్రాన్ , అంజలి జావేరి తమ అందాలతో మాత్రమే కాకుండా నటనతో కూడా ప్రేక్షకులను ఎంతగానో ఆకట్టుకున్నారు.
బాలకృష్ణ నటించిన మొట్ట మొదటి ఫ్యాక్షన్ ఎంటర్టైనర్ మూవీ కావడంతో ఈ సినిమాపై మొదటి నుండి కూడా ప్రేక్షకులు భారీ అంచనాలు పెట్టుకున్నారు. అలా భారీ అంచనాల నడుమ విడుదల అయిన ఈ సినిమా అదిరిపోయే రేంజ్ విజయాన్ని అందుకొని కలెక్షన్ల వర్షాన్ని కురిపించి ఏకంగా టాలీవుడ్ ఇండస్ట్రీ హిట్ గా నిలిచింది. ఇకపోతే ఈ సినిమాను ఎన్ని కోట్ల బడ్జెట్ తో రూపొందించారు. ఈ మూవీ ఎన్ని కోట్ల కలెక్షన్లను సాధించి ఇండస్ట్రీ హిట్ గా నిలిచింది. ఎన్ని సెంటర్లలో ఈ మూవీ 100 రోజులు ఆడింది. ఇలాంటి ఎన్నో ఆసక్తికరమైన వివరాలను తెలుసుకుందాం.
ఈ సినిమా 1999 వ సంవత్సరం విడుదల అయింది. ఇకపోతే ఈ సినిమాను ఆ సమయంలో దాదాపు 6 కోట్ల బడ్జెట్తో రూపొందించారు. ఇక 6 కోట్ల బడ్జెట్ తో రూపొందిన ఈ సినిమా ఫైనల్ బాక్స్ ఆఫీస్ రన్ ముగిసే సరికి 16 కోట్లకు పైగా కలెక్షన్లను రాబట్టి ఇండస్ట్రీ హిట్ గా నిలిచింది. ఇకపోతే ఈ సినిమా 72 థియేటర్లలో వంద రోజులు ప్రదర్శించబడి మరో అద్భుతమైన రికార్డును సృష్టించింది. ఈ సినిమాలో బాలకృష్ణ తన అద్భుతమైన నటనతో ప్రేక్షకులను ఎంతగానో ఆకట్టుకున్నాడు. ఈ మూవీలోని బాలయ్య నటనకు ప్రేక్షకుల నుండి , విమర్శకుల నుండి అద్భుతమైన ప్రశంసలు ఆ సమయంలో దక్కాయి.