ఆ స్టార్ హీరోతో కంగువ డైరెక్టర్ నెక్స్ట్ మూవీ.. ఆ హీరో పెద్ద రిస్క్ చేస్తున్నాడా..?
తమిళ సినీ పరిశ్రమలో దర్శకుడిగా తనకంటూ మంచి గుర్తింపును సంపాదించుకున్న వారి లో శివ ఒకరు . ఈయన మొదటగా గోపీచంద్ హీరోగా రూపొందిన శంఖం అనే సినిమాతో దర్శకుడిగా కెరియర్ను మొదలు పెట్టాడు . ఈ సినిమా పెద్ద స్థాయి విజయాన్ని అందుకోలేదు. ఆ తర్వాత ఈయన తమిళ సినీ పరిశ్రమపై ఫోకస్ పెట్టాడు. అక్కడ కొన్ని విజయాలను అందుకొని మంచి గుర్తింపును సంపాదించుకున్నాడు. ఇకపోతే తాజాగా ఈ దర్శకుడు సూర్య హీరోగా కంగువ అనే సినిమాను రూపొందించాడు. ఈ మూవీ నవంబర్ 14 వ తేదీన భారీ ఎత్తున ప్రపంచ వ్యాప్తంగా విడుదల అయింది.
ఇకపోతే ఈ సినిమా ప్రస్తుతం థియేటర్లలో ప్రదర్శించబడుతుంది. ఈ మూవీ కి గొప్ప టాక్ ఏమీ రాలేదు. ప్రస్తుతం ఈ సినిమా హిట్ ను అందుకోవడమే అతి కష్టంగా ఉండే పరిస్థితులు ఉన్నాయి అని చాలా మంది తమ అభిప్రాయాలను వ్యక్తం చేస్తున్నారు. ఇలాంటి సమయం లో ఈ సినిమా నిర్మాత అయినటువంటి జ్ఞానవేల్ రాజా తాజాగా మీడియాతో మాట్లాడుతూ ... కంగువ సినిమా దర్శకుడు అయినటువంటి శివ అతి తక్కువ కాలం లోనే అజిత్ కుమార్ హీరో గా ఓ సినిమాను మొదలు పెడతాడు.
ఆ సినిమా పూర్తి అయిన వెంటనే కంగువ 2 సినిమాను మొదలు పెడతాడు. కంగువ 2 అదిరిపోయే రేంజ్ లో ఉంటుంది. కంగువ మొదటి భాగం కంటే రెండవ భాగం మరింత వైల్డ్ గా ఉంటుంది అని చెప్పుకొచ్చాడు. ఇకపోతే గతంలో శివ , అజిత్ కుమార్ కాంబోలో కొన్ని సినిమాలు వచ్చాయి. ఆ మూవీ లు మంచి విజయాలను అందుకున్నాయి. దానితో వీరి కాంబో లో వచ్చే నెక్స్ట్ సినిమాపై ప్రేక్షకుల్లో మంచి అంచనాలు నెలకొన్నాయి అవకాశాలు చాలా వరకు ఉన్నాయి.