డాకు మహారాజ్ కోసం గట్టిగా తీసుకున్న బాలయ్య.. ఆ హీరోలే టార్గెట్ అయ్యారా..?
నందమూరి నట సింహం బాలకృష్ణ ప్రస్తుతం బాబి దర్శకత్వంలో డాకు మహారాజ్ అనే సినిమాలో హీరోగా నటిస్తున్న విషయం మనకు తెలిసిందే. ఈ మూవీ లో ఊర్వసి రౌటేలా , ప్రగ్యా జైస్వాల్ , శ్రద్ధ శ్రీనాథ్ బాలయ్య కు జోడిగా కనిపించబోతున్నట్లు తెలుస్తోంది. ఈ మూవీ లో బాలీవుడ్ నటుడు బాబి డియోల్ విలన్ పాత్రలో కనిపించబోతున్నాడు. సితార ఎంటర్టైన్మెంట్ బ్యానర్ పై ప్రముఖ నిర్మాత సూర్య దేవర నాగ వంశీ ఈ మూవీ ని నిర్మిస్తున్నాడు. ఈ మూవీ ని వచ్చే సంవత్సరం సంక్రాంతి పండుగ సందర్భంగా జనవరి 12 వ తేదీన విడుదల చేయనున్నట్లు ఈ మూవీ బృందం ఇప్పటికే ప్రకటించింది.
ఇకపోతే వరుస విజయాలతో ఫుల్ జోష్ లో ఉన్న బాలయ్య హీరోగా నటించిన మూవీ కావడం , ఇప్పటికే వాల్టేరు వీరయ్య లాంటి సూపర్ సక్సెస్ ను అందుకున్న బాబి ఈ సినిమాకు దర్శకత్వం వహిస్తూ ఉండడంతో మొదటి నుండి ఈ సినిమాపై ప్రేక్షకులు మంచి అంచనాలు పెట్టుకున్నారు. ఇక నిన్న ఈ మూవీ యూనిట్ ఈ సినిమా టీజర్ ను విడుదల చేసింది. ఈ మూవీ టీజర్ అదిరిపోయే రేంజ్ లో ఉండడంతో ఒక్క సరిగా ఈ సినిమాపై అంచనాలు ప్రేక్షకుల్లో మరింతగా పెరిగిపోయాయి.
వరస విజయాలతో ఫుల్ ఫామ్ లో ఉన్న సమయంలో బాలయ్య నటిస్తున్న సినిమా కావడంతో ఈ మూవీ కోసం ఆయన పెద్ద మొత్తంలో పారితోషకం తీసుకుంటున్నట్లు తెలుస్తోంది. ప్రస్తుతం వస్తున్న కథనాల ప్రకారం ఈ మూవీ కోసం బాలయ్య ఏకంగా 45 కోట్ల పారితోషకం తీసుకుంటున్నట్లు ఓవర్త వైరల్ అవుతుంది. ఇక ఈ మూవీ కూడా హిట్ అయితే ఈయన పారితోషకం మరింత పెరిగే అవకాశం చాలా వరకు ఉంది అని పలువురు అభిప్రాయ పడుతున్నారు.