పుష్ప 2 : ఆ నటుడి డబ్బింగ్ పూర్తి.. ఈ అప్డేట్ తో బన్నీ ఫ్యాన్స్ ఖుషి..?
అల్లు అర్జున్ హీరోగా రష్మిక మందన హీరోయిన్గా సుకుమార్ దర్శకత్వంలో పుష్ప పార్ట్ 2 మూవీ రూపొందుతున్న విషయం మన అందరికీ తెలిసిందే. పుష్ప పార్ట్ 1 మూవీ అద్భుతమైన విజయం సాధించడంతో పుష్ప పార్ట్ 2 పై ప్రేక్షకుల్లో భారీ అంచనాలు ఏర్పడ్డాయి. ఈ సినిమాలో మలయాళ నటుడు ఫహద్ ఫాజిల్ ప్రధాన ప్రతి నాయకుడి పాత్రలో కనిపించబోతున్నాడు. పుష్ప పార్ట్ 1 మూవీ లో ఈయన తన అద్భుతమైన నటనతో ప్రేక్షకులను ఆకట్టుకున్నాడు. ఇక రెండవ పార్ట్ లో ఈయన తన నటనతో ఏ స్థాయిలో ప్రేక్షకులను ఆకట్టుకుంటాడో అనే ఆతృతతో జనాలు ఎదురు చూస్తున్నారు.
ఇది ఇలా ఉంటే తాజాగా ఈ మూవీ కి సంబంధించిన ఓ క్రేజీ న్యూస్ బయటకు వచ్చింది. ప్రస్తుతం అందుతున్న సమాచారం ప్రకారం ఫహద్ ఫాజిల్ తాజాగా పుష్ప పార్ట్ 2 మూవీ కి సంబంధించిన డబ్బింగ్ పనులను పూర్తి చేసుకున్నట్లు తెలుస్తోంది. ఇది ఇలా ఉంటే ప్రస్తుతం ఈ సినిమా షూటింగ్ ఓ వైపు ఫుల్ స్పీడ్ గా జరుగుతుంది. ఈ మూవీ ని ఈ సంవత్సరం డిసెంబర్ 5 వ తేదీన విడుదల చేయనున్నట్లు మేకర్స్ ప్రకటించారు. ఈ సినిమా విడుదల తేదీ దగ్గర పడడంతో ఈ మూవీ కి సంబంధించిన పనులన్నింటినీ ఫుల్ స్పీడ్ గా పూర్తి చేసే పనిలో మేకర్స్ చాలా బిజీగా ఉన్నట్లు తెలుస్తోంది. ఇకపోతే రేపు అనగా నవంబర్ 17 వ తేదీన ఈ సినిమా ట్రైలర్ ను విడుదల చేయనున్నారు.
పాట్నా వేదికగా ఈ మూవీ యొక్క ట్రైలర్ ను మేకర్స్ విడుదల చేయబోతున్నట్లు తెలుస్తోంది. ప్రస్తుతానికి ఈ మూవీ ట్రైలర్ పై ప్రేక్షకుల్లో భారీ అంచనాలు ఉన్నాయి. మరి ఈ మూవీ ట్రైలర్ ప్రేక్షకుల అంచనాలను అందుకుంటుందో లేదో తెలియాలి అంటే మరి కొంత సమయం వేచి చూడాల్సిందే. రాక్ స్టార్ దేవి శ్రీ ప్రసాద్ సంగీతం అందిస్తున్న ఈ మూవీ ని మైత్రి సంస్థ వారు నిర్మిస్తూ ఉండగా ... అనసూయ , సునీల్ , రావు రమేష్ ఈ మూవీ లో ముఖ్య పాత్రలలో కనిపించబోతున్నారు.