మెకానిక్ రాఖి ట్రైలర్ నెగెటివిటీపై గట్టి కౌంటర్ ఇచ్చిన విశ్వక్..?
టాలీవుడ్ యువ నటులలో విశ్వక్ సేన్ ఒకరు. ఈయన తరుణ్ భాస్కర్ దర్శకత్వంలో రూపొందిన ఈ నగరానికి ఏమైంది అనే సినిమాతో మంచి విజయాన్ని , మంచి గుర్తింపును దక్కించుకున్నాడు. ఆ తర్వాత ఈ నటుడు పలకనామ దాస్ అనే సినిమాలో హీరోగా నటించాడు. అలాగే ఈ సినిమాకు దర్శకత్వం కూడా వహించాడు. ఈ మూవీ తో విశ్వక్ మంచి మాస్ హీరోగా గుర్తింపును సంపాదించుకున్నాడు. కొంత కాలం క్రితం విశ్వక్ "గ్యాంగ్స్ ఆఫ్ గోదావరి" అనే సినిమాతో ప్రేక్షకుల ముందుకు వచ్చాడు. మాస్ కమర్షియల్ ఎంటర్టైనర్ మూవీ గా రూపొందిన ఈ సినిమా బాక్స్ ఆఫీస్ దగ్గర పరవాలేదు అనే స్థాయి విజయాన్ని అందుకుంది.
ఇకపోతే తాజాగా ఈ నటుడు మెకానిక్ రాఖీ అనే సినిమాలో హీరోగా నటించాడు. ఈ మూవీ లో శ్రద్ధ శ్రీనాథ్ , మీనాక్షి చౌదరి హీరోయిన్లుగా నటించారు. నవంబర్ 22 వ తేదీన ఈ మూవీని విడుదల చేయనున్నారు. ఈ సినిమా విడుదల తేదీ దగ్గర పడడంతో విశ్వక్ వరుస పెట్టి ఇంటర్వ్యూలలో , టీవీ షో లలో పాల్గొంటూ వస్తున్నాడు. అందులో భాగంగా తాజాగా ఓ ఇంటర్వ్యూలో విశ్వక్ సేన్ మాట్లాడుతూ ... మెకానిక్ రాఖీ ట్రైలర్ లో అంత డెప్త్ లేదు అనే కొన్ని కామెంట్స్ బయటకు వచ్చాయి.
ఇక ఆ విషయం గురించి మాట్లాడితే ... కొన్ని రోజుల క్రితం విజయ్ సేతుపతి హీరోగా రూపొందిన మహారాజా అనే సినిమా వచ్చింది. ఆ సినిమా ట్రైలర్ చూసినప్పుడు ఈ సినిమా పెద్ద గొప్పగా ఏమీ ఉండదు అనిపించింది. అలాగే ఆ ట్రైలర్ లో పెద్దగా డెప్త్ కూడా లేదు. కానీ సినిమా చూస్తే అద్భుతంగా ఉంది. మా సినిమా కూడా అలాంటిదే. ట్రైలర్ లో డెప్త్ లేకపోయి ఉండొచ్చు. కానీ సినిమాలో మాత్రం ఫుల్ కంటెంట్ ఉంటుంది అని చెప్పుకొచ్చాడు. మరి మెకానిక్ రాఖీ మూవీతో విశ్వక్ ఏ స్థాయి విజయాన్ని అందుకుంటాడో చూడాలి.