నేను రిజెక్ట్ చేయడానికి కథలు వింటాను.. షాకింగ్ కామెంట్స్ చేసిన విశ్వక్సేన్..?
టాలీవుడ్ ఇండస్ట్రీలో తనకంటూ ఒక మంచి గుర్తింపును సంపాదించుకున్న నటులలో విశ్వక్ సేన్ ఒకరు. ఈయన తాజాగా మెకానిక్ రాఖీ అనే సినిమాలో హీరోగా నటించాడు. ఈ మూవీ.లో మోస్ట్ బ్యూటిఫుల్ నటీమణులు అయినటువంటి మీనాక్షి చౌదరి , శ్రద్ధా శ్రీనాథ్ హీరోయిన్లుగా నటించారు. ఈ మూవీ ని నవంబర్ 22 వ తేదీన విడుదల చేయనున్నారు. ఈ మూవీ విడుదల తేదీ దగ్గర పడడంతో ఈ మూవీ యొక్క ప్రచారాలను విశ్వక్ సేన్ అద్భుతంగా నిర్వహిస్తూ వస్తున్నాడు.
అందులో భాగంగా తాజాగా ఈ నటుడు ఓ ఇంటర్వ్యూలో పాల్గొన్నాడు. తాజా ఇంటర్వ్యూ లో భాగంగా విశ్వక్ మాట్లాడుతూ ... నేను కథలను ఎందుకు వింటాను ... ఎలా వింటాను అనే విషయాల గురించి క్లారిటీ ఇచ్చాడు. తాజాగా విశ్వక్ సేన్ మాట్లాడుతూ ... నేను దాదాపుగా ఎవరు కథ చెప్పిన కూడా ఆ కథ వినే కంటే ముందే ఆ కథలో ఏ లోపాలను వెతకాలి. ఆ స్టోరీని ఎలా రిజెక్ట్ చేయాలి అనే కోణంలో ఆలోచిస్తూ ఉంటాను. అలా ఆలోచించినప్పటికీ నేను ఓ కథకి యస్ చెప్పాను అంటే ఆ స్టోరీ ఎంత గొప్పగా ఉండి ఉంటుంది. అందుకే నా సినిమాలు మంచి విజయాలను అందుకుంటున్నాయి. ఇక మెకానిక్ రాఖీ సినిమా కూడా అద్భుతమైన విజయాన్ని అందుకుంటుంది అని విశ్వక్ సేన్ ఆశాభావాన్ని వ్యక్తం చేశాడు.
ఇది ఇలా ఉంటే ఈ నటుడు ఆఖరుగా గ్యాంగ్స్ ఆఫ్ గోదావరి అనే సినిమాతో ప్రేక్షకుల ముందుకు వచ్చాడు. ఈ మూవీ పరవాలేదు అనే స్థాయి విజయాన్ని అందుకుంది. మరి మెకానిక్ రాఖీ మూవీతో విశ్వక్ ఏ స్థాయి విజయాన్ని అందుకుంటాడో , ఏ స్థాయి కలెక్షన్లను ఈ మూవీ వసూలు చేస్తుందో తెలియాలి అంటే మరికొన్ని రోజులు వేచి చూడాల్సిందే.