కంగువ : 2000 కోట్లు.. 38 భాషలు అన్నారు.. చివరకు చూస్తే ఇలాంటి పరిస్థితి..?
తమిళ నటుడు సూర్య తాజాగా కంగువ అనే సినిమాలో హీరోగా నటించిన విషయం మన అందరికీ తెలిసిందే. ఈ సినిమాలో దిశా పటాని హీరోయిన్గా నటించగా ... శివ ఈ మూవీ కి దర్శకత్వం వహించాడు. ఇకపోతే ఈ సినిమా విడుదలకు ముందు ఈ మూవీ గురించి చాలా పెద్ద ఎత్తున వార్తలు వైరల్ అవుతూ వచ్చాయి. ఇక ఈ సినిమా నిర్మాత అయినటువంటి జ్ఞానవెల్ రాజా ఈ సినిమా ఏకంగా 2000 కోట్ల కలెక్షన్లను ఈజీగా వసూలు చేస్తుంది అని , భారీ బ్లాక్ బస్టర్ విజయాన్ని సొంతం చేసుకుంటుంది అని చెప్పుకొచ్చాడు. అలాగే ఈ మూవీ యూనిట్ ఈ సినిమాని 38 భాషలలో విడుదల చేయనున్నట్లు ప్రకటించింది.
ఇలా ఈ మూవీ నిర్మాత ఈ సినిమా 2000 కోట్ల కలెక్షన్లను ఈజీగా వసూలు చేస్తుంది అని ప్రకటించడం , అలాగే ఈ మూవీ బృందం వారు ఈ సినిమాను 38 భాషల్లో విడుదల చేయనున్నట్లు ప్రకటించడంతో ఈ మూవీ అదిరిపోయే రేంజ్ లో ఉండకపోయిన మంచి స్థాయిలో మాత్రం ఖచ్చితంగా ఉంటుంది అని చాలా మంది ప్రేక్షకులు భావించారు. భారీ అంచనాల నడుమ నవంబర్ 14 వ తేదీన ప్రపంచ వ్యాప్తంగా విడుదల అయింది. ఈ మూవీ కి విడుదల అయిన మొదటి రోజు మొదటి షో కే బాక్స్ ఆఫీస్ దగ్గర ఘోరమైన నెగెటివ్ టాక్ వచ్చింది.
దానితో ఈ సినిమా మొదటి రోజు కేవలం 50 కోట్ల స్థాయిలో కలెక్షన్లను వసూలు చేస్తే ... 2 రోజుల్లో కలిపి 80 కోట్ల వరకు కలెక్షన్లను వసూలు చేసినట్లు తెలుస్తుంది. దానితో ఈ సినిమా 2000 కోట్లు కలెక్షన్లు కాదు కదా రెండు , మూడు వందల కోట్ల కలెక్షన్లను వసూలు చేయడం కూడా కష్టంగానే కనపడుతుంది. మరి భారీ అంచనాల నడుమ విడుదల అయిన ఈ సినిమాతో సూర్య కు భారీ అపజయం దక్కి అవకాశాలు చాలా వరకు ఉన్నాయి అని కొంత మంది అభిప్రాయ పడుతున్నారు.