పుష్ప 2 : విలన్ విషయంలో ఊహించని ట్విస్టులు.. ఇంతకీ మెయిన్ విలన్ ఎవరంటే..?
ఐకాన్ స్టార్ అల్లు అర్జున్ నటించిన బిగ్గెస్ట్ పాన్ ఇండియా మూవీ పుష్ప 2..ఈ సినిమా కోసం ప్రేక్షకులు ఎంతో ఆసక్తిగా ఎదురు చూస్తున్నారు.గతంలో వచ్చిన పుష్ప సినిమా ప్రపంచవ్యాప్తంగా సెన్సేషన్ క్రియేట్ చేసింది..దీనితో పుష్ప 2 పై విపరీతంగా క్రేజ్ పెరిగింది.క్రియేటివ్ డైరెక్టర్ సుకుమార్ కూడా పుష్ప 2 అంతకు మించి తెరకెక్కించినట్లు తెలుస్తుంది..పుష్ప 2 కోసం ఫ్యాన్స్ దాదాపు మూడేళ్లుగా ఎదురుచూస్తున్నారు. అనేక కారణాల వల్ల ఈ సినిమా షూటింగ్ వాయిదా పడుతూ వచ్చింది.రెండు మూడు సార్లు సినిమా రిలీజ్ డేట్ కూడా అనౌన్స్ చేసి వాయిదా వేశారు. ప్రస్తుతం ఈ సినిమా డిసెంబర్ 5న గ్రాండ్ గా రిలీజ్ కాబోతుంది.రిలీజ్ దగ్గరపడుతున్న నేపథ్యంలో మేకర్స్ ఈ సినిమా ప్రమోషన్స్ మొదలు పెట్టారు.ఈ సినిమా ట్రైలర్ తో మేకర్స్ భారీ ప్రమోషన్స్ స్టార్ట్ చేసారు.ఈ ట్రైలర్ ఈవెంట్ ను మేకర్స్ బీహార్ రాజధాని పాట్నా లో గ్రాండ్ గా నిర్వహించారు..ఈ ఈవెంట్ కు అల్లుఅర్జున్ ,రష్మిక మందన్న హాజరయి ట్రైలర్ ను లాంచ్ చేసారు.తాజాగా రిలీజ్ అయినా ట్రైలర్ ప్రేక్షకులకు విపరీతంగా నచ్చింది..
ట్రైలర్ లో పుష్ప అంటే నేషనల్ అనుకుంటివా ఇంటర్నేషనల్ అంటూ అల్లు అర్జున్ చెప్పే డైలాగ్స్ ప్రేక్షకులకి విపరీతంగా నచ్చింది.ట్రైలర్ లో మాస్ ఎలెమెంట్స్ చాలానే వున్నాయి.ఇది ఇలా ఉంటే పుష్ప 2 సినిమాలో కొత్త క్యారెక్టర్లు యాడ్ అయినట్లు తెలుస్తోంది. అందులో ప్రధానంగా వర్సటైల్ యాక్టర్ జగపతి బాబు పాత్ర ప్రత్యేకంగా వుండనుందని తెలుస్తుంది.జగపతిబాబు పుష్ప 1లో నటించలేదు. కానీ సుకుమార్ గత రెండు చిత్రాలు నాన్న కు ప్రేమతో, రంగస్థలం సినిమాల్లో ఆయన విలన్ పాత్రలో అద్భుతముగా నటించారు.. ఈ సినిమాలో ఆయన రాజకీయ నాయకుడి పాత్రలో కనిపించనున్నారు. ఫహద్‌కు అండగా నిలిచే రాజకీయ నాయకుడి పాత్రలో జగపతిబాబు కనిపిస్తాడని సమాచారం. పుష్పకు సపోర్ట్ చేసే రావు రమేష్‌ని ఎదిరించే పాత్రలో జగపతి కనిపించనున్నాడని తెలుస్తుంది.
ఈ సినిమాలో జగపతి బాబు మాత్రమే కాకుండా మరి కొందరు నటులు కూడా యాడ్ అయినట్లు తెలుస్తోంది. విలక్షణ నటుడు ప్రకాష్ రాజ్ కూడా ఈ సినిమాలో కనిపించనున్నారని తెలుస్తుంది. అయితే ఆయన చేసే పాత్ర ఎలాంటిది అన్నది థియేటర్లోనే చూడాలి. వీరితో పాటు టాలీవుడ్ సీనియర్ స్టార్ హీరోయిన్ ప్రియమణి కూడా ఈ సినిమాలో ఓ ముఖ్య పాత్రలో ఆకట్టుకోనున్నట్లు తెలుస్తుంది.అలాగే బిగ్ బాస్ బ్యూటీ దివి కూడా ఈ సినిమాలో న్యూస్ రిపోర్టర్ గా నటించింది.. సుకుమార్ రంగస్థలం మూవీలో విలన్ విషయంలో సడెన్ ట్విస్ట్ ఇచ్చి అందరిని ఆశ్చర్యపరిచాడు.పుష్ప 2 విషయంలో కూడా అదే ఫాలో అవుతున్నదని తెలుస్తుంది.షెకావత్ ని విలన్ గా చూపిస్తున్న అసలు విలన్ వేరే ఉన్నట్లు తెలుస్తుంది.అది జగపతిబాబ లేక ప్రకాష్ రాజా అనేది తెలియాల్సి వుంది.