ఆ రికార్డ్ విషయంలో కేజీఎఫ్ 2 దరిదాపుల్లోకి కూడా రాలేకపోయినా పుష్ప 2..?
టాలీవుడ్ ఇండస్ట్రీ లో స్టార్ హీరోలలో ఒకరు అయినటువంటి ఐకాన్ స్టార్ అల్లు అర్జున్ తాజాగా పుష్ప పార్ట్ 2 మూవీ లో హీరో గా నటిస్తున్న విషయం మన అందరికీ తెలిసిందే. ఈ మూవీ లో అందాల ముద్దుగుమ్మ రష్మిక మందన హీరోయిన్గా నటిస్తూ ఉండగా ... టాలీవుడ్ టాప్ దర్శకులలో ఒకరు అయినటువంటి సుకుమార్ ఈ సినిమాకు దర్శకత్వం వహిస్తున్నాడు. ఈ మూవీ ని ఈ సంవత్సరం డిసెంబర్ 5 వ తేదీన పాన్ ఇండియా మూవీ గా ప్రపంచ వ్యాప్తంగా భారీ ఎత్తున విడుదల చేయనున్నారు. ఈ సినిమా విడుదల తేదీ దగ్గర పడడంతో నవంబర్ 17 వ తేదీన పాట్నా వేదికగా ఈ సినిమా యొక్క ట్రైలర్ ను మేకర్స్ విడుదల చేశారు.
ఇకపోతే ఈ మూవీ ట్రైలర్ గురించి ఎప్పటి నుండో ప్రేక్షకులు ఎంతో ఆత్రుతగా ఎదురు చూస్తూ ఉండడం , ఈ మూవీ ట్రైలర్ ప్రేక్షకులను ఆధ్యాంతం ఆకట్టుకునే విధంగా ఉండటంతో ఈ మూవీ ట్రైలర్ కు అద్భుతమైన రెస్పాన్స్ వచ్చింది. ఇకపోతే ఈ మూవీ ట్రైలర్ కు విడుదల అయిన 24 గంటల్లో 1.06 మిలియన్ లైక్స్ లభించాయి. ఇక ఈ మూవీ కి ట్రైలర్ కి అద్భుతమైన లైక్స్ లభించిన సౌత్ ఇండస్ట్రీ నుండి విడుదల అయినా సినిమా ట్రైలర్లలో 24 గంటల్లో అత్యధిక లైక్స్ ను సాధించిన ట్రైలర్ల విషయంలో ఈ మూవీ ట్రైలర్ రెండవ స్థానంలో నిలిచింది.
మొదటి స్థానంలో యాష్ హీరోగా శ్రీనిధి శెట్టి హీరోయిన్గా ప్రశాంత్ నీల్ దర్శకత్వంలో రూపొందిన కే జీ ఎఫ్ చాప్టర్ 2 మూవీ ట్రైలర్ 2.2 మిలియన్ లైక్స్ తో ఉండగా , పుష్ప పార్ట్ 2 ట్రైలర్ 1.06 మిలియన్ లైక్స్ తో రెండవ స్థానంలో నిలిచింది. ఇక ఈ రెండు సినిమాల ట్రైలర్స్ లైక్స్ మధ్య తేడా కూడా భారీగానే ఉంది.