ఆ మూవీ బ్లాక్ బస్టర్ కావాల్సింది.. అక్కడే తేడా కొట్టింది.. అసలు విషయం చెప్పేసిన గోపీచంద్..?
తెలుగు సినీ పరిశ్రమలో అద్భుతమైన క్రేజ్ కలిగిన హీరోలలో గోపీచంద్ ఒకరు. ఈయన కెరియర్ ప్రారంభంలో ఓ సినిమాలో హీరోగా నటించాడు. కానీ ఆ మూవీ ఫ్లాప్ కావడంతో ఈయనకు ఆ సినిమా ద్వారా పెద్ద స్థాయిలో గుర్తింపు దక్కలేదు. దానితో కొంత కాలం తర్వాత ఈయన తేజ దర్శకత్వంలో నితిన్ హీరోగా రూపొందిన జయం సినిమాలో విలన్ పాత్రలో నటించాడు. ఈ మూవీ మంచి విజయాన్ని అందుకుంది. ఆ తర్వాత ఈయనకు వరుస పెట్టి సినిమాల్లో విలన్ పాత్రలు రావడంతో ఈయన కూడా విలన్ పాత్రలలో నటించాడు. వాటి ద్వారా ఈయనకు మంచి గుర్తింపు లభించింది.
ఆ తర్వాత ఈయన సినిమాల్లో విలన్ పాత్రలను పక్కన పెట్టేసి హీరో గా నటించడం మొదలు పెట్టాడు. అందులో భాగంగా ఇప్పటి వరకు గోపీచంద్ వరుస పెట్టి సినిమాల్లో హీరోగా నటిస్తూ వస్తున్నాడు. ఇది ఇలా ఉంటే ఈ మధ్య కాలంలో గోపీచంద్ కు వరుసగా అపజయాలు దక్కుతున్నాయి. తాజాగా గోపీచంద్ , శ్రీను వైట్ల దర్శకత్వంలో రూపొందిన విశ్వం అనే కమర్షియల్ ఎంటర్టైనర్ మూవీ లో హీరో గా నటించాడు. ఈ మూవీ బాక్స్ ఆఫీస్ దగ్గర ఫ్లాప్ అయ్యింది. ఇకపోతే కొంత కాలం క్రితం గోపీచంద్ ఓ ఇంటర్వ్యూలో పాల్గొన్నాడు.
ఆ ఇంటర్వ్యూలో భాగంగా గోపీచంద్ కు మీరు ఏ సినిమా అయినా బ్లాక్ బస్టర్ విజయం అందుకుంటుంది అనుకున్నాక సినిమా విడుదల అయ్యాక అది ప్రేక్షకులను ఆకట్టుకొని మూవీ ఏదైనా ఉందా అనే ప్రశ్న ఎదురయింది. దీనికి గోపీచంద్ సమాధానం ఇస్తూ ... కొంత కాలం క్రితం గౌతమ్ నంద అనే సినిమా చేశాను. ఆ మూవీ అద్భుతమైన విజయం సాధిస్తుంది అనుకున్నాను. కానీ ఆ మూవీ ప్రేక్షకులను పెద్దగా ఆకట్టుకోలేదు అని గోపీచంద్ చెప్పాడు. ఇకపోతే గోపీచంద్ హీరోగా రూపొందిన గౌతమ్ నంద సినిమాకు సంపత్ నంది దర్శకత్వం వహించాడు.