గేమ్ ఛేంజర్ : దిల్ రాజు వ్యూహాలు పనిచేయట్లేదా.. అసలు కారణమదే..?
తెలుగు సినీ పరిశ్రమలో అద్భుతమైన గుర్తింపు కలిగిన నిర్మాతలలో దిల్ రాజు ఒకరు. ఈయన శ్రీ వెంకటేశ్వర క్రియేషన్స్ బ్యానర్ పై ఇప్పటివరకు అనేక సినిమాలను నిర్మించాడు. ఇక ఈయన తన సినిమాల ద్వారా ఎంతో మంది దర్శకులను , నటులను , టెక్నీషియన్స్ ఇండస్ట్రీకి పరిచయం చేశాడు. ప్రస్తుతం ఈ నిర్మాత రామ్ చరణ్ హీరోగా శంకర్ దర్శకత్వంలో గేమ్ చేంజర్ అనే సినిమాను రూపొందిస్తున్నాడు. కియార అద్వానీ ఈ సినిమాలో హీరోయిన్గా నటిస్తూ ఉండగా ... అంజలి , శ్రీకాంత్ , సునీల్ , నవీన్ చంద్ర , జయరాం ఈ మూవీ లో ముఖ్య పాత్రలలో కనిపించబోతున్నారు.
ఈ మూవీ లో ఎస్ జె సూర్య విలన్ పాత్రలో కనిపించనుండగా ... ఎస్ ఎస్ తమన్ ఈ సినిమాకు సంగీతాన్ని అందిస్తున్నాడు. ఈ మూవీ ని వచ్చే సంవత్సరం జనవరి 10 వ తేదీన విడుదల చేయనున్నట్లు మేకర్స్ ప్రకటించారు. ఈ సినిమా విడుదల తేదీ దగ్గర పడడంతో ఇప్పటికే ఈ మూవీ నుండి చిత్ర బృందం వారు రెండు పాటలను ఒక టీజర్ను కూడా విడుదల చేశారు. వీటికి మంచి రెస్పాన్స్ జనాల నుండి లభించింది. ఇకపోతే ఈ సినిమాకు భారీ అంచనాలు ఉన్నా కూడా అత్యంత భారీ ఎత్తున ప్రీ రిలీజ్ బిజినెస్ జరగడం లేదు అని తెలుస్తుంది.
vప్రస్తుతం వస్తున్న కథనాల ప్రకారం ఈ మూవీ కి నాన్ థియేటర్ హక్కుల ద్వారా 180 కోట్ల బిజినెస్ జరిగినట్టు తెలుస్తుంది. కానీ థియేటర్ బిజినెస్ మాత్రం పెద్ద మొత్తంలో జరగడం లేదు అని ఓ వార్త వైరల్ అవుతుంది. ఇక మరి కొంత కాలంలో అల్లు అర్జున్ హీరోగా సుకుమార్ దర్శకత్వంలో రూపొందిన పుష్ప పార్ట్ 2 మూవీ విడుదల కానుంది. ఈ సినిమాకు భారీ ఎత్తున ఫ్రీ రిలీజ్ బిజినెస్ జరిగినట్లు తెలుస్తుంది. ఆ స్థాయిలో గేమ్ చేంజర్ మూవీ కి ప్రీ రిలీజ్ బిజినెస్ జరగడం లేదు అని ఓ వార్త వైరల్ అవుతుంది. ఏదేమైనా గేమ్ చేంజర్ మూవీ పై మాత్రం ప్రేక్షకుల్లో భారీగానే అంచనాలు ఉన్నాయి.