మూడు సెకన్లు కాదు.. దొరికిపోయిన నయన్.. ధనుష్ కరెక్ట్ అంటున్న నెటిజన్స్?
లేడీ సూపర్ స్టార్ నయనతార, కోలీవుడ్ స్టార్ ధనుష్ మధ్య గొడవ రోజురోజుకూ మరింత తీవ్రమవుతోంది. నటి నయనతార తన వెడ్డింగ్ వీడియోను నెట్‌ఫ్లిక్స్‌కు అమ్మడంతో ఈ వివాదం మొదలైంది. తన ప్రేమ కథ, వివాహం, తల్లిగా తన జీవితాన్ని డాక్యుమెంటరీగా మార్చాలని ఆమె నిర్ణయించుకుంది. ఈ డాక్యుమెంటరీ కి నయనతార బ్యాండ్ ది ఫేరీటైల్ అనే పేరు పెట్టి నవంబర్ 18న రిలీజ్ చేశారు. ఈ డాక్యుమెంటరీని రూపొందిస్తున్న సమయంలో, రెండేళ్ల క్రితం నయనతార ధనుష్‌ను సంప్రదించింది. ధనుష్ నిర్మించిన 'నానుమ్‌ రౌడీ ధాన్' సినిమా నుంచి మూడు సెకన్ల వీడియో క్లిప్‌ను తన డాక్యుమెంటరీలో ఉపయోగించుకోవడానికి అనుమతి కోరింది. ధనుష్ అనుమతి కోసం నయనతార ఎన్నోసార్లు ప్రయత్నించినప్పటికీ, అతను ఎప్పుడూ అధికారికంగా 'నో అబ్జెక్షన్ సర్టిఫికేట్' (NOC) ఇవ్వలేదు.
ధనుష్ అనుమతి లేకుండా తన డాక్యుమెంటరీలో మూడు సెకన్ల క్లిప్ ఉపయోగించినందుకు నయనతారపై ధనుష్ రూ.10 కోట్ల నష్టపరిహారం కోరుతూ కోర్టును ఆశ్రయించారు. దీనిపై స్పందిస్తూ, నయనతార తనపై అన్యాయం జరుగుతుందని, కేవలం మూడు సెకన్ల క్లిప్ కోసం ఇంత పెద్ద మొత్తంలో డబ్బు అడగడం సరికాదని అన్నారు. అయితే, తర్వాత డాక్యుమెంటరీని చూసిన ప్రేక్షకులు ఆశ్చర్యపోయారు. నయనతార ఉపయోగించిన క్లిప్ కేవలం మూడు సెకన్లే కాదు, 25 నుంచి 30 సెకన్ల వరకు ఉందని తెలిసింది. దీంతో ధనుష్ చేసిన డిమాండ్‌కు కొంతవరకు సమర్థన లభించింది. నయనతార ఎక్కువ సమయం ఉన్న క్లిప్‌ను ఉపయోగించినందుకే ధనుష్ ఇంత పెద్ద మొత్తంలో నష్టపరిహారం అడిగాడని ప్రజలు అభిప్రాయపడుతున్నారు.
నయనతార నెట్‌ఫ్లిక్స్ డీల్ ద్వారా ఇప్పటికే చాలా డబ్బు సంపాదించి ఉంటారు కాబట్టి, కొంత మంది నెటిజన్లు ఆమెపై విమర్శలు గుప్పిస్తున్నారు. వీడియో వ్యవధి గురించి ఆమె నిజాయితీగా లేదని కూడా వారు ప్రశ్నిస్తున్నారు. ధనుష్ అనుమతి లేకుండా ఎక్కువ సమయం ఉన్న క్లిప్‌ను ఉపయోగించినందుకు నయనతార ఎలాంటి స్పందన ఇస్తారో చూడాలని అంతా ఆసక్తిగా ఎదురు చూస్తున్నారు. ఈ వివాదంపై నయనతార తన వివరణ ఇస్తారా లేదా అన్నది ఇప్పుడు ప్రధాన ప్రశ్నగా మారింది.