అనుష్క.. కాజల్.. సమంత : ఫుల్ సక్సెస్.. అయినా ఒక్కదానితోనే స్టాప్..?
చాలా సంవత్సరాల క్రితం సినిమా ఇండస్ట్రీలో స్టార్ హీరోయిన్లుగా కెరియర్ను కొనసాగించే ముద్దుగుమ్మలు ఐటమ్ సాంగ్స్ వైపు అసలు ఇంట్రెస్ట్ చూపేవారు కాదు. అందుకు ప్రధాన కారణం స్టార్ హీరోయిన్గా కెరియర్ను కొనసాగిస్తున్న సమయంలో స్పెషల్ సాంగ్స్ చేసినట్లయితే ఆ తర్వాత అలాంటి అవకాశాలే వరుసగా వస్తాయి అని , హీరోయిన్ అవకాశాలు తగ్గిపోతాయి అనే కారణంతో స్టార్ హీరోయిన్స్ ఎవరు కూడా ఎక్కువ శాతం ఐటం సాంగ్స్ చేసేవారు కాదు. కానీ ప్రస్తుతం పరిస్థితులు పూర్తిగా మారాయి. స్టార్ హీరోయిన్ స్టేటస్ ఉన్న వారే ఎక్కువ శాతం స్పెషల్ సాంగ్స్ చేస్తూ వస్తున్నారు. అందుకు ప్రధాన కారణం తక్కువ సమయంలో ఎక్కువ పారితోషకం అందుకునే అవకాశం ఉండడం కావచ్చు.
అలాగే స్టార్ హీరోల సినిమాల్లో ఎక్కువ శాతం స్టార్ హీరోయిన్స్ స్పెషల్ సాంగ్స్ చేస్తున్నారు. వాటి వల్ల హీరోయిన్స్ మైలేజ్ మరింత పెరిగే అవకాశం ఉంటుంది అనే కారణం వల్ల కూడా కావచ్చు. ఏదేమైనా ఈ మధ్య కాలంలో స్టార్ హీరోయిన్స్ ఎక్కువ శాతం స్పెషల్ సాంగ్స్ చేస్తున్నారు. ఇకపోతే ఓ ముగ్గురు ముద్దుగుమ్మలు ఇప్పటికే ఒక స్పెషల్ సాంగ్ లో నటించి సూపర్ క్రేజ్ ను సంపాదించుకున్న మళ్ళీ అటు వైపు తిరిగి చూడడం లేదు. ఆ ముద్దుగుమ్మలు మరెవరో కాదు అనుష్క , కాజల్ , సమంత. అనుష్క స్టార్ హీరోయిన్ క్రేజ్ ఉన్న సమయంలోనే చిరంజీవి హీరోగా రూపొందిన స్టాలిన్ సినిమాలో స్పెషల్ సాంగ్ చేసింది.
ఇక కాజల్ అగర్వాల్ , జూనియర్ ఎన్టీఆర్ హీరోగా రూపొందిన జనతా గ్యారేజ్ సినిమాలో స్పెషల్ సాంగ్ చేయగా , సమంత , అల్లు అర్జున్ హీరోగా రూపొందిన పుష్ప పార్ట్ 1 సినిమాలో స్పెషల్ సాంగ్ చేసింది. ఈ ముగ్గురికి కూడా వీరు చేసిన స్పెషల్ సాంగ్ల ద్వారా అద్భుతమైన గుర్తింపు వచ్చింది. కానీ వీరు మాత్రం ఒక్క స్పెషల్ సాంగ్ తోనే సరిపెట్టుకొని మళ్లీ ఇప్పటివరకు రెండవ స్పెషల్ సాంగ్ చేయలేదు. ఇకపోతే ఇప్పటికీ కూడా ఈ బ్యూటీలు మంచి గుర్తింపు కలిగిన హీరోయిన్లుగా కెరియర్ను కొనసాగిస్తున్నారు.