అల్లరి మూవీ కోసం నేను చేసిన పనికి అంతా షాక్ అయ్యారు.. అల్లరి నరేష్..?
తెలుగు సినీ పరిశ్రమలో తనకంటూ ఒక మంచి గుర్తింపును ఏర్పరచుకున్న వారిలో అల్లరి నరేష్ ఒకరు. ఈయన ఇప్పటివరకు అనేక విజయవంతమైన సినిమాలలో నటించాడు. ఇది ఇలా ఉంటే నరేష్ అల్లరి "అల్లరి" అనే సినిమాతో కెరీర్ ను మొదలు పెట్టిన విషయం మన అందరికీ తెలిసిందే. ఈ మూవీ కి రవిబాబు దర్శకత్వం వహించగా ... సురేష్ ప్రొడక్షన్స్ బ్యానర్ పై సురేష్ బాబు ఈ మూవీ ని నిర్మించాడు. ఇకపోతే తాజాగా అల్లరి నరేష్ ఓ ఇంటర్వ్యూ లో పాల్గొన్నాడు. అందులో భాగంగా అల్లరి సినిమా సమయంలో జరిగిన ఒక విషయం గురించి అల్లరి నరేష్ తాజా ఇంటర్వ్యూలో భాగంగా చెప్పుకొచ్చాడు.
తాజా ఇంటర్వ్యూ లో భాగంగా అల్లరి నరేష్ మాట్లాడుతూ ... అల్లరి సినిమాకు సంబంధించిన షూటింగ్ పూర్తి అయ్యింది. సినిమా కూడా విడుదలకు దగ్గరగా వచ్చేసింది. నేను ఆ సినిమాకు సంబంధించిన డబ్బింగ్ అప్పటివరకు చెప్పలేదు. ఒక రోజు రవిబాబు నా దగ్గరకు వచ్చి సినిమా డబ్బింగ్ చెప్పావా అన్నాడు. నేను చెప్పలేదు అన్నాను. తొందరగా పూర్తి చేయి సినిమా విడుదలకు దగ్గర వస్తుంది అన్నాడు. దానితో నేను వెంటనే రాత్రి 11 గంటలకు ఆ సినిమాకు సంబంధించిన డబ్బింగ్ చెప్పడం మొదలు పెట్టాను. ఇక కంటిన్యూగా అలాగే చెబుతూ వచ్చాను.
ఉదయం 5 గంటల వరకు ఆ సినిమాకు సంబంధించిన డబ్బింగ్ మొత్తాన్ని పూర్తి చేశాను. ఇక డబ్బింగ్ పూర్తి అయ్యాక నేను డబ్బింగ్ థియేటర్ ముందు నిలబడి ఉన్నాను. సురేష్ బాబు గారికి ఉదయాన్నే జాగింగ్ చేయడం అలవాటు. ఆయన ఉదయం 5 గంటలకు జాగింగ్ చేస్తూ డబ్బింగ్ థియేటర్ వద్దకు వచ్చాడు. ఇక్కడ ఏం చేస్తున్నావ్ అన్నాడు. నేను దానితో డబ్బింగ్ చెప్పాను అని అన్నాను. దానితో ఆయన షాక్ అయ్యాడు అని అల్లరి నరేష్ తాజా ఇంటర్వ్యూ లో భాగంగా చెప్పుకొచ్చాడు.