పుష్ప 2 : 'కిస్సిక్ ' సాంగ్ పాడిన సింగర్స్ ఎవరో తెలుసా..?
ఐకాన్ స్టార్ అల్లు అర్జున్ నటించిన లేటెస్ట్ పాన్ ఇండియా మూవీ “పుష్ప 2’’. క్రియేటివ్ డైరెక్టర్ సుకుమార్ ఈ సినిమాను భారీగా తెరకెక్కిస్తున్నారు.. గతంలో వచ్చిన పుష్ప సినిమా ఎంతటి ఘనవిజయం సాధించిందో ప్రత్యేకంగా చెప్పాల్సిన పని లేదు.. ప్రపంచవ్యాప్తంగా అల్లు అర్జున్ కి భారీ ఫ్యాన్ ఫాలోయింగ్ తీసుకొచ్చిన సినిమా పుష్ప.. దీంతో పుష్ప సినిమాకు సీక్వెల్ గా వస్తున్న పుష్ప 2 కోసం ప్రేక్షకులు ఎంతో ఆసక్తిగా ఎదురుచూస్తున్నారు.. అల్లు అర్జున్ మూడు ఏళ్లు పుష్ప 2 సినిమా కోసం తన డేట్స్ ని కేటాయించాడు.. గత మూడేళ్లుగా అల్లు అర్జున్ ని స్క్రీన్ పై చూడలేదు. దీనితో ఫ్యాన్స్ ఈ సినిమా పై ఎన్నో ఆశలు పెట్టుకున్నారు.. కానీ ఈ సినిమా అంతకంతకు ఆలస్యం అవుతూ వచ్చింది... రిలీజ్ డేట్ కూడా వాయిదా పడుతూ వచ్చింది... ఈ సినిమాను ముందుగా ఆగస్టు 15న రిలీజ్ చేయాలని మేకర్స్ ప్లాన్ చేశారు. కానీ షూటింగ్ బ్యాలెన్స్ ఉండటంతో విడుదల తేదీ వాయిదా పడింది. డిసెంబర్ 6వ తేదీన ఈ సినిమాని రిలీజ్ చేస్తామని అప్పట్లో మేకర్స్ ప్రకటించారు..
కొంతకాలానికి డిసెంబర్ 6న కాదు డిసెంబర్ 5నే ఈ సినిమా వస్తుందని మేకర్స్ మళ్లీ ప్రకటించారు.. చెప్పిన దానికంటే ఒక రోజు ముందుగా వస్తుందని ఫ్యాన్స్ ఎంతో సంబరపడ్డారు. కానీ ప్రస్తుతం ఈ సినిమా మళ్ళీ వాయిదా పడుతుందని ఓ న్యూస్ బాగా వైరల్ అవుతుంది.. వాయిదా వార్త వైరల్ అవ్వడంతో చిత్ర యూనిట్ స్పందించింది. డిసెంబర్ 5న అస్సలు తగ్గేదేలే అని రిప్లై ఇచ్చింది. దీంతో వాయిదా వార్తలకు చెక్ పడినట్లు అయింది. తాజాగా ఈ సినిమా ట్రైలర్ ను మేకర్స్ రిలీజ్ చేశారు. బీహార్ రాజధాని పాట్నాలో భారీ ఈవెంట్ ఏర్పాటు చేసి ట్రైలర్ ను రిలీజ్ చేశారు. ట్రైలర్ కు ఫ్యాన్స్ నుంచి సూపర్ రెస్పాన్స్ వస్తుంది. దీంతో దేశం మొత్తం మీద మేకర్స్ భారీ ఈవెంట్లను ప్లాన్ చేశారు. అందులో భాగంగా ఈనెల 24న చెన్నైలో భారీ ఈవెంట్ ప్లాన్ చేశారు.. ఈ ఈవెంట్ లో ఈ సినిమాలో మోస్ట్ అవైటెడ్ సాంగ్ అయిన కిస్సిక్ సాంగ్ రిలీజ్ చేయనున్నారు..
తాజాగా కిస్సిక్ సాంగ్ ప్రోమో రిలీజ్ అయింది.. ఈ సాంగ్ లో శ్రీ లీల, అల్లు అర్జున్ డాన్స్ పెర్ఫార్మెన్స్ అదిరిపోతుందని మేకర్స్ ఇప్పటికే హింట్ ఇచ్చారు..దేవిశ్రీప్రసాద్ అందిస్తున్న సంగీతం ఈ సినిమాకి ప్రధానమైన అసెట్ గా నిలవబోతోంది..ఇదిలా ఉంటే 'కిస్సిక్' సాంగ్ ఎవరు పాడారనే విషయం పై మేకర్స్ క్లారిటీ ఇచ్చారు. 'కిస్సిక్' సాంగ్‌ని తెలుగు, తమిళ్, కన్నడ భాషల్లో సింగర్ సుభాషిణి పాడగా.. హిందీలో సుభాషిణి, లోతిక ఝా.. మలయాళంలో ప్రియా జెర్సన్.. బెంగాలీలో ఉజ్జయినీ ముఖర్జీ పాడారు. ఇలా పలు భాషల్లో ఈ పాటకు సంబంధించిన సింగర్స్‌ను పరిచయం చేస్తూ 'పుష్ప-2' మేకర్స్ ఈ పాటపై మరింత హైప్ తీసుకొచ్చారు.. ఈ పాటను రేపు సాయంత్రం 7.02 గంటలకు విడుదల చేయనున్నట్లు చిత్ర యూనిట్ తెలిపింది.