ఒక్క అప్డేట్ తో మెగా అభిమానులను డిసప్పాయింట్ చేసిన చరణ్..?
మెగా పవర్ స్టార్ రామ్ చరణ్ తాజాగా గేమ్ చేంజర్ అనే సినిమాలో హీరోగా నటించిన విషయం మన అందరికీ తెలిసిందే. శంకర్ దర్శకత్వంలో రూపొందుతున్న ఈ సినిమాలో కియార అద్వానీ హీరోయిన్గా నటిస్తుండగా ... అంజలి , సునీల్ , శ్రీకాంత్ , నవీన్ చంద్ర , జయరాం ఈ మూవీ లో ముఖ్య పాత్రలలో కనిపించబోతున్నారు. శ్రీ వెంకటేశ్వర క్రియేషన్స్ బ్యానర్ పై ప్రముఖ నిర్మాత దిల్ రాజు అత్యంత భారీ బడ్జెట్ తో ఎంతో ప్రతిష్టాత్మకంగా నిర్మిస్తున్న ఈ మూవీ లో ఎస్ జె సూర్య ప్రతినాయకుడి పాత్రలో కనిపించబోతున్నాడు. ఈ సినిమాకు ఎస్ ఎస్ తమన్ సంగీతం అందిస్తున్నాడు.
ఈ సినిమాను వచ్చే సంవత్సరం సంక్రాంతి పండుగ సందర్భంగా జనవరి 10 వ తేదీన విడుదల చేయనున్నట్లు ఈ మూవీ బృందం కొన్ని రోజుల క్రితమే అధికారికంగా ప్రకటించింది. ఇక ఈ సినిమా విడుదల తేదీ దగ్గర పడడంతో ఇప్పటికే ఈ మూవీ బృందం ఈ మూవీ నుండి రెండు పాటలను , ఒక టీజర్ను విడుదల చేసింది. వాటికి మంచి రెస్పాన్స్ జనాలను లభించింది. ఇకపోతే గత కొంత కాలంగా ఈ సినిమా ఫ్రీ రిలీజ్ ఈవెంట్ ను ఆంధ్రప్రదేశ్ రాష్ట్రంలో నిర్వహించనున్నట్లు దానికి ఆంధ్రప్రదేశ్ ప్రస్తుత ఉప ముఖ్యమంత్రి పవన్ కళ్యాణ్ ముఖ్య అతిథిగా వచ్చే అవకాశాలు ఉన్నట్లు ఓ వార్త వైరల్ అయింది. దానితో మెగా అభిమానులంతా ఫుల్ ఖుషి అయ్యారు. ఇక సడన్ గా ఈ మూవీ బృందం ఈ సినిమా యొక్క ప్రీ రిలీజ్ ఈవెంట్ ను ఆంధ్రప్రదేశ్ లో కాకుండా యూఎస్ఏ లో డిసెంబర్ 21 వ తేదీన సాయంత్రం 6 గంటలకు నిర్వహించనున్నట్లు ఈ మూవీ యూనిట్ అధికారికంగా ప్రకటిస్తూ ఓ పోస్టర్ను విడుదల చేసింది.
దీనితో పవన్ కళ్యాణ్ ఈ మూవీ ఫ్రీ రిలీజ్ ఈవెంట్ కి వచ్చే అవకాశాలు దాదాపుగా లేవని తెలుస్తుంది. ఇక గేమ్ చేంజర్ మూవీ ప్రీ రిలీజ్ ఈవెంట్ కు సంబంధించిన అధికారిక ప్రకటనను విడుదల చేయడం , దానికి పవన్ కళ్యాణ్ వచ్చే అవకాశాలు లేవు అని వార్తలు రావడంతో మెగా కాస్త డిసప్పాయింట్ అవుతున్నట్లు తెలుస్తోంది.