విశ్వక్ : మెకానిక్ రాఖీకి బ్రేక్.. ఆఖరి 4 సినిమాలతో పోలిస్తే ఇలాంటి ఓపెనింగ్స్..?
తెలుగు సినీ పరిశ్రమలో నటుడిగా తనకంటూ ఒక మంచి గుర్తింపును సంపాదించుకున్న వారిలో విశ్వక్సేన్ ఒకరు. ఈ నటుడు తాజాగా మెకానిక్ రాఖీ అనే సినిమాలో హీరో గా నటించాడు. మీనాక్షి చౌదరి , శ్రద్ధ శ్రీనాథ్ ఈ సినిమాలో హీరోయిన్లుగా నటించారు. ఈ సినిమా మంచి అంచనాల నడుమ నవంబర్ 22 వ తేదీన థియేటర్లలో విడుదల అయింది. ఇకపోతే ఈ సినిమాకు పరవాలేదు అనే టాక్ వచ్చింది. కానీ ఈ మూవీ విశ్వక్ గత సినిమాలతో పోలిస్తే చాలా తక్కువ మొత్తంలో కలక్షన్లను మొదటి రోజు రాబట్టింది. మరి విశ్వక్ ఆఖరుగా నటించిన నాలుగు సినిమాలకు మొదటి రోజు వచ్చిన కలెక్షన్ల వివరాలను మెకానిక్ రాఖీ మూవీ కి వచ్చిన కలెక్షన్ల వివరాలను క్లియర్గా తెలుసుకుందాం.
తాజాగా విశ్వక్ "మెకానిక్ రాఖీ" అనే సినిమాతో ప్రేక్షకుల ముందుకు వచ్చిన విషయం మనకు తెలిసిందే. ఇకపోతే ఈ సినిమాకు మొదటి రోజు కేవలం 2.2 కోట్ల కలెక్షన్లు మాత్రమే వచ్చాయి. ఈ మూవీ కంటే ముందు విశ్వక్ "గ్యాంగ్స్ ఆఫ్ గోదావరి" అనే సినిమాతో ప్రేక్షకుల ముందుకు వచ్చాడు. ఈ మూవీ లో నేహా శెట్టి హీరోయిన్గా నటించింది. ఈ మూవీ కి మొదటి రోజు 8.2 కోట్ల కలెక్షన్స్ వచ్చాయి. ఈ సినిమా కంటే ముందు విశ్వక్ "గామి" అనే సినిమాలో హీరో గా నటించాడు. ఈ మూవీ కి ఏకంగా మొదటి రోజు 9 కోట్ల కలెక్షన్లు వచ్చాయి. ఇక కొంత కాలం క్రితం విశ్వక్ "దాస్ కా దమ్కి" అనే సినిమాలో హీరో గా నటించాడు. విశ్వక్ మూవీ లో హీరో గా నటించిన మాత్రమే కాకుండా ఈ సినిమాకు దర్శకత్వం కూడా వహించాడు. ఈ మూవీ కి మొదటి రోజు 8.5 కోట్ల కలెక్షన్లు వచ్చాయి. ఇలా విశ్వక్ ఆఖరి 4 మూవీల మొదటి రోజు కలెక్షన్లను బట్టి చూస్తే మెకానిక్ రాఖీ సినిమాకు చాలా తక్కువ మొత్తంలో కలెక్షన్లు వచ్చాయి.