గేమ్ ఛేంజర్ : సూపర్ రికార్డ్.. నెక్స్ట్ టార్గెట్ అదేనా..?
మెగా పవర్ స్టార్ రామ్ చరణ్ కొంత కాలం క్రితం రాజమౌళి దర్శకత్వంలో రూపొందిన ఆర్ ఆర్ ఆర్ అనే సినిమాలో హీరోగా నటించి అద్భుతమైన విజయాన్ని సొంతం చేసుకున్నాడు. ఈ మూవీ ప్రపంచ వ్యాప్తంగా 1200 కోట్లకు పైగా కలెక్షన్లను కొల్లగొట్టింది. అలాగే ఈ సినిమాకు ఆస్కార్ అవార్డు కూడా వచ్చింది. దానితో రామ్ చరణ్ కు ప్రపంచ వ్యాప్తంగా గుర్తింపు దక్కింది. ఆర్ ఆర్ ఆర్ సినిమా తర్వాత చరణ్ తన తండ్రి అయినటువంటి మెగాస్టార్ చిరంజీవి హీరోగా రూపొందిన ఆచార్య మూవీ లో ఓ కీలకమైన పాత్రలో నటించాడు. ఈ మూవీ మాత్రం బాక్స్ ఆఫీస్ దగ్గర ఘోరమైన పరాజయాన్ని ఎదుర్కొంది. ఇకపోతే ప్రస్తుతం చరణ్ , శంకర్ దర్శకత్వంలో రూపొందుతున్న గేమ్ చేంజర్ అనే సినిమాలో హీరోగా నటిస్తున్నాడు.
ఈ మూవీ ని వచ్చే సంవత్సరం సంక్రాంతి పండుగ సందర్భంగా జనవరి 10 వ తేదీన విడుదల చేయనున్నారు. ఇకపోతే ఈ సినిమా విడుదల తేదీకి చాలా రోజులు ఉన్నప్పటికీ ఈ మూవీ కి బుక్ మై షో లో మాత్రం ప్రేక్షకుల నుండి అద్భుతమైన రెస్పాన్స్ లభిస్తుంది. ప్రస్తుతం ఈ సినిమాకి బుక్ మై షో లో 200 ప్లస్ కే ఇంట్రెస్ట్ లభించాయి. దీనితో మెగా అభిమానులు ఫుల్ ఖుషి అవుతున్నారు. సినిమా విడుదలకు చాలా రోజుల ముందే బుక్ మై షో ఆప్ లో గేమ్ చేంజర్ మూవీ కి ఈ స్థాయి రెస్పాన్స్ లభిస్తుంది అంటే విడుదల దగ్గర పడిన సమయానికి ఆ రెస్పాన్స్ మరింత పెరిగే అవకాశం ఉంది అని వారు ఆశ భావం వ్యక్తం చేస్తున్నట్లు తెలుస్తోంది.
ఇకపోతే ఈ సినిమాలో కియార అద్వానీ హీరోయిన్గా నటిస్తూ ఉండగా ... ఎస్ జె సూర్య ఈ మూవీ లో విలన్ పాత్రలో కనిపించబోతున్నాడు. శ్రీ వెంకటేశ్వర క్రియేషన్స్ బ్యానర్ పై ప్రముఖ నిర్మాత దిల్ రాజు ఈ మూవీ ని అత్యంత భారీ బడ్జెట్ తో నిర్మిస్తున్నాడు.