గేమ్ ఛేంజర్ : ఇన్ని సినిమాలను వాడేసారా.. శంకర్ అసలు ఏం ప్లాన్ చేశాడు..?
టాలీవుడ్ ఇండస్ట్రీ లో సూపర్ క్రేజ్ కలిగిన స్టార్ హీరోలలో మెగా పవర్ స్టార్ రామ్ చరణ్ ఒకరు. ఈయన ఇప్పటివరకు ఎన్నో బ్లాక్ బస్టర్ సినిమాలలో హీరోగా నటించి తనకంటూ తెలుగు సినీ పరిశ్రమలో ఒక అద్భుతమైన గుర్తింపును సంపాదించుకున్నాడు. ఇకపోతే కొంత కాలం క్రితం చరణ్ , రాజమౌళి దర్శకత్వంలో ఆర్ ఆర్ ఆర్ అనే భారీ బడ్జెట్ పాన్ ఇండియా సినిమాలో హీరోగా నటించాడు. ఈ మూవీ ఏకంగా 1200 కోట్లకు పైగా కలెక్షన్లు కొల్లగొట్టి సూపర్ సాలిడ్ విజయాన్ని అందుకుంది. ఈ సినిమాతో చరణ్ కు అద్భుతమైన గుర్తింపు లభించింది. ఇక ప్రస్తుతం చరణ్ , శంకర్ దర్శకత్వంలో గేమ్ చేంజర్ అనే సినిమాలో హీరో గా నటిస్తున్నాడు.
ఈ మూవీ ని శ్రీ వెంకటేశ్వర క్రియేషన్స్ బ్యానర్ పై ప్రముఖ నిర్మాత దిల్ రాజు భారీ బడ్జెట్ తో నిర్మిస్తూ ఉండగా ... ఎస్ ఎస్ తమన్ ఈ సినిమాకు సంగీతం అందిస్తున్నాడు. కియార అద్వానీ ఈ సినిమాలో హీరోయిన్గా నటిస్తూ ఉండగా ... అంజలి , సునీల్ , శ్రీకాంత్ , నవీన్ చంద్ర , జయరామ్ ఈ మూవీ లో ముఖ్య పాత్రలలో కనిపించబోతున్నారు. ఈ మూవీ ని వచ్చే సంవత్సరం జనవరి 10 వ తేదీన విడుదల చేనున్నారు. ఇకపోతే ఈ సినిమా నుండి కొన్ని రోజుల క్రితం మేకర్స్ రా మచ్చ అంటూ సాగే సాంగ్ ను విడుదల చేసిన విషయం మనకు తెలిసిందే. ఇక ఈ సాంగ్ లో కొన్ని పోస్టర్లలో చరణ్ , పవన్ స్టైల్ లో నెత్తికి ఎర్ర కండువా కట్టుకొని కనిపించాడు.
అలాగే ఆ సాంగ్ లో ఇంద్ర సినిమాలోని వీన స్టెప్ లిరిక్స్ కూడా ఉన్నాయి. ఇలా ఇప్పటికే తన తండ్రి , బాబాయ్ సినిమాల రిఫరెన్స్ లను ఓకే సాంగ్ లో వాడేసిన చరణ్ తన బ్లాక్ బస్టర్ మూవీ అయినటువంటి రంగస్థలం రిఫరెన్స్ ను కూడా ఈ మూవీ లో బాగానే వాడినట్టు తెలుస్తుంది. రంగస్థలం సినిమాలో చరణ్ సైకిల్ ఏ లుక్ లో ఉన్నాడో గేమ్ చెంజర్ ఇందులో కూడా అలాంటి లుక్ లో ఉన్న ఓ పోస్టర్ ను మేకర్స్ విడుదల చేశారు. దానికి జనాల నుండి మంచి రెస్పాన్స్ లభించింది.