తారక్ కి అద్భుతంగా కలిసి వచ్చిన ఆ ఇద్దరు బ్యూటీస్.. ఒక్కొక్కరితో ఏకంగా అన్ని మూవీస్..?
టాలీవుడ్ ఇండస్ట్రీలో స్టార్ హీరోలలో జూనియర్ ఎన్టీఆర్ ఒకరు. ఈయన ఇప్పటివరకు ఎన్నో అద్భుతమైన సినిమాలలో నటించి తెలుగు సినీ పరిశ్రమలో తనకంటూ ఒక మంచి గుర్తింపు ఏర్పరచుకున్నాడు. ఇకపోతే తన కెరీర్లో ఇప్పటివరకు తారక్ ఎంతో మంది హీరోయిన్లతో నటించాడు. కానీ ఓ ఇద్దరు హీరోయిన్లు మాత్రం ఈ నటుడికి అద్భుతంగా కలిసి వచ్చారు. ఆ హీరోయిన్లు ఎవరు అనేది తెలుసుకుందాం.
తారక్ తన కెరియర్ లో చాలా మంది హీరోయిన్లతో నటించిన ఓ ఇద్దరు హీరోయిన్లతో మాత్రం ఏకంగా నాలుగు , నాలుగు సినిమాలలో నటించాడు. ఆ హీరోయిన్లు మరెవరో కాదు ... కాజల్ అగర్వాల్ , సమంత. తారక్ హీరోగా రూపొందిన బృందావనం సినిమాలో మొదటి సారి కాజల్ , సమంత ... తారక్ కి జోడిగా నటించారు. ఈ మూవీ అద్భుతమైన విజయాన్ని అందుకుంది. అలాగే ఈ మూవీ లో తారక్ , కాజల్ ... తారక్ , సమంత జోడిలకు మంచి రెస్పాన్స్ జనాల నుండి లభించింది. ఆ తర్వాత వీరి కాంబోలో అనేక సినిమాలు వచ్చాయి. తారక్ , కాజల్ కాంబోలో బృందావనం సినిమా తర్వాత శ్రీను వైట్ల దర్శకత్వంలో బాద్ షా మూవీ వచ్చే మంచి విజయాన్ని అందుకుంది. ఆ తర్వాత టెంపర్ మూవీ వచ్చింది.
ఆ సినిమా కూడా మంచి విజయాన్ని అందుకుంది. ఆ తర్వాత జనతా గ్యారేజ్ సినిమాలో ఈ బ్యూటీ స్పెషల్ సాంగ్ లో నటించింది. ఈ మూవీ కూడా మంచి విజయాన్ని అందుకుంది. తారక్ , సమంత కాంబోలో బృందావనం , రభస , రామయ్య వస్తావయ్య , జనతా గ్యారేజ్ సినిమాలు వచ్చాయి. ఈ సినిమాలలో బృందావనం , జనతా గ్యారేజ్ సినిమాలు మంచి విజయాలను అందుకున్నాయి. ఇలా తారక్ తన కెరియర్లో కాజల్ , సమంత లతో ఏకంగా నాలుగు నాలుగు సినిమాల్లో నటించాడు.