టాలీవుడ్‌పై ఫోకస్ త‌గ్గిస్తోన్న సీనియర్ బ్యూటీస్‌... షాకింగ్ ట్విస్ట్‌...!
టాలీవుడ్ ఇండస్ట్రీ ద్వారా అద్భుతమైన గుర్తింపును సంపాదించుకున్న కొద్ది ముద్దు గుమ్మలు ప్రస్తుతం తెలుగు సినిమాల్లో నటించడానికి పెద్దగా ఆసక్తి చూపించడం లేదు. మోస్ట్ బ్యూటిఫుల్ నటిమని సమంత తెలుగు సినిమాల ద్వారా అద్భుతమైన గుర్తింపును సంపాదించుకున్న విషయం మన అందరికీ తెలిసిందే. తెలుగు సినిమాల ద్వారా అద్భుతమైన స్థాయికి ఎదిగిన ఈ బ్యూటీ ఈ మధ్య కాలంలో మాత్రం తెలుగు సినిమాల్లో ఎక్కువగా కనిపించడం లేదు. ఆఖరుగా ఈమె విజయ్ దేవరకొండ హీరోగా రూపొందిన ఖుషి అనే సినిమాలో హీరోయిన్గా నటించింది.
ఈ సినిమా వచ్చి ఇప్పటికే సంవత్సరం దాటిపోయింది. అయినా సమంత ఏ తెలుగు సినిమాలో కూడా ఇప్పటి వరకు కనిపించలేదు. ఝుమ్మంది నాదం అనే సినిమాతో తాప్సి తెలుగు తెరకు పరిచయం అయింది. ఈ మూవీ పర్వాలేదు అనే స్థాయి విజయాన్ని అందుకుంది కానీ ఈ సినిమా ద్వారా తాప్సి కి మంచి గుర్తింపు లభించడంతో ఈమెకు వరుస పెట్టి తెలుగు లో సినిమా అవకాశాలు వచ్చాయి. ఇక ఈమె మాత్రం బాలీవుడ్ ఇండస్ట్రీ వైపు ఫోకస్ పెట్టి వరుస పెట్టి హిందీ సినిమాలలో నటించడానికి ఆసక్తిని చూపిస్తుంది. ఇక నయనతార కూడా తెలుగులో చాలా సంవత్సరాల పాటు స్టార్ హీరోయిన్గా కెరియర్ను కొనసాగించింది.
కానీ ఈ మధ్య కాలంలో మాత్రం ఈమె తెలుగు సినిమాల్లో ఎక్కువగా కనిపించడం లేదు. త్రిష ప్రస్తుతం తెలుగులో చిరంజీవి హీరోగా రూపొందుతున్న విశ్వంభర అనే సినిమాలో హీరోయిన్గా నటిస్తున్న ఈమె కూడా ఎక్కువ శాతం తెలుగు సినిమాల కంటే తమిళ సినిమాల్లో నటించడానికి ఎక్కువ ఆసక్తిని చూపిస్తుంది. ఇలా కొంత మంది సీనియర్ స్టార్ హీరోయిన్స్ తెలుగు సినిమాల కంటే కూడా ఇతర భాష సినిమాల్లో నటించడానికి కాస్త ఎక్కువ ఆసక్తిని చూపిస్తున్నట్లు కొంత మంది అభిప్రాయ పడుతున్నారు.