తెలుగులో డాన్సింగ్ కింగ్ అతనే.. శ్రీలీల..?
టాలీవుడ్ ఇండస్ట్రీ లోకి ఎంట్రీ ఇచ్చిన తక్కువ కాలంలోనే అద్భుతమైన గుర్తింపును సంపాదించుకున్న యువ నటిమానులలో శ్రీ లీల ఒకరు. ఈ ముద్దు గుమ్మ శ్రీకాంత్ తనయుడు రోషన్ హీరోగా రూపొందిన పెళ్లి సందD అనే సినిమాతో తెలుగు తెరకు పరిచయం అయ్యి మొదటి మూవీ తోనే అద్భుతమైన గుర్తింపును సంపాదించుకుంది. ఆ తర్వాత ఈమెకి వరుస పెట్టిన తెలుగులో సినిమా అవకాశాలు దక్కుతున్నాయి. అందులో చాలా సినిమాలలో ఈమె తన నటనతో , అందాలతో ప్రేక్షకులను కట్టిపడేయడంతో ఈమె ప్రస్తుతం టాలీవుడ్ ఇండస్ట్రీ లో సూపర్ క్రేజ్ కలిగిన హీరోయిన్గా కెరియర్ను కొనసాగిస్తుంది.
తాజాగా ఈ బ్యూటీ నితిన్ హీరోగా వెంకి కుడుముల దర్శకత్వంలో మైత్రి సంస్థ వారు నిర్మించిన రాబిన్ హుడ్ అనే సినిమాలో హీరోయిన్గా నటించింది. ఈ సినిమాను డిసెంబర్ 25 వ తేదీన విడుదల చేయనున్నారు. ఈ సినిమా విడుదల తేదీ దగ్గర పడడంతో ఈ మూవీ బృందం తాజాగా ఓ పాత్రికేయుల సమావేశాన్ని ఏర్పాటు చేసింది. అందులో భాగంగా శ్రీ లీల కు తెలుగు సినీ పరిశ్రమలో డాన్సింగ్ కింగ్ దృష్టిలో ఎవరు అనే ప్రశ్న ఎదురయింది. ఆ ప్రశ్నకు శ్రీ లీల తెలుగులో డాన్సింగ్ కింగ్ అంటే అల్లు అర్జున్ అని సమాధానం ఇచ్చింది. ఇక శ్రీ లీల ఇచ్చిన ఈ సమాధానం ప్రస్తుతం వైరల్ అవుతుంది. ఇది ఇలా ఉంటే తాజాగా అల్లు అర్జున్ "పుష్ప పార్ట్ 2" మూవీ లో హీరో గా నటించిన విషయం మన అందరికీ తెలిసిందే.
రష్మిక మందన ఈ సినిమాలో హీరోయిన్గా నటించగా ... సుకుమార్ ఈ సినిమాకు దర్శకత్వం వహించాడు. ఈ మూవీ ని డిసెంబర్ 5 వ తేదీన విడుదల చేయనున్నారు. ఇకపోతే ఈ సినిమాలో శ్రీ లీల ఓ స్పెషల్ సాంగ్లో నటించింది. ఈ సాంగ్లో అల్లు అర్జున్ తో కలిసి శ్రీ లీల డాన్స్ చేసింది. ఇప్పటికే ఈ సాంగ్ కి సంబంధించిన లిరికల్ వీడియోను మేకర్స్ విడుదల చేయగా దానికి అద్భుతమైన రెస్పాన్స్ జనాల నుండి లభిస్తుంది.